სასამართლოში გამჭვირვალობისადმი მიძღვნილი დღეები აღინიშნება

საქართველოს უზენაესი სასამართლოსა და გაეროს განვითარების პროგრამის ინიციატივით საქართველოში სასამართლოს გამჭვირვალობისადმი მიძღვნილი დღეების აღნიშვნა იწყება. 18 დეკემბრიდან 30 დეკემბრის ჩათვლით საქართველოს უზენაესი სასამართლოს, ქუთაისის სააპელაციო და თბილისის საქალაქო სასამართლოების თავმჯდომარეები ჟურნალისტებს მუშაობის წლიურ ანგარიშს წარუდგენენ.
თბილისის საქალაქო სასამართლოში გაიმართება ქართული საერო და სასულიერო სამართლის ძეგლების მუდმივმოქმედი ექსპოზიციის დათვალირება, რომელზედაც წარმოდგენილია თამარ მეფის, სოლომონ, კონსტანტინე და ბაგრატ მეფეეების მიერ ხელმოწერილი ძეგლები, ვახტანგ VI დასტურლამალი, არსენ იყალთოელის დიდი სჯულის კანონი და სხვ.
უზენაეს სასამართლოში უზენაესი სასამართლოს თავმჯდომარე კონსტანტინე კუბლაშვილი უმასპინძლებს თბილისის ზოგადსაგანმანათლებლო სკოლების და ცხინვალის რეგიონში მცხოვრებ მოსწავლეებს. გაიმართება წიგნის “ბავშვი და სამართალი” პრეზენტაცია, რომელიც მომზადდა და გამოიცა გაეროს განვითარების პროგრამის (UNDP) “სასამართლო ხელისუფლების მხარდაჭერის” პროექტის ფარგლებში.

გამჭვირვალობის კვირეულის ფარგლებში დაგეგმილი ღონისძიებების განრიგი:
18 დეკემბერი, საქართველოს უზენაესი სასამართლო
13:00 _ აგვისტოს ომის დროს დაზარალებულ რეგიონში მცხოვრები ბავშვების ვიზიტი საქართველოს უზენაეს სასამართლოში და შეხვედრა უზენაესი სასამართლოს  თავმჯდომარესთან.
19 დეკემბერი, ქუთაისის სააპელაციო სასამართლო
12:00 _ საქართველოს უზენაესი სასამართლოს თავმჯდომარის ბატონ კონსტანტინე კუბლაშვილის შეხვედრა იმერეთის რეგიონში მოქმედ ჟურნალისტებთან;
13:00 _ ქუთაისის სააპელაციო სასამართლოს თავმჯდომარის ბატონ მალხაზ გურულის წლიური ანგარიშის წარდგენა მედიისათვის;
13:30 _ საქართველოს უზენაესი სასამართლოს თავმჯდომარის ბატონ კონსტანტინე კუბლაშვილის და ქუთაისის სააპელაციო სასამართლოს თავმჯდომარის ბატონ მალხაზ გურულის საახალწლო მიღება მედიის წარმომადგენლებისათვის;
15:00 _ საქართველოს უზენაესი სასამართლოს თავმჯდომარის ბატონ კონსტანტინე კუბლაშვილის შეხვედრა დასავლეთ საქართველოში მოქმედ მოსამართლეებთან.
23 დეკემბერი, საქართველოს უზენაესი სასამართლო
13:00 _ უზენაესი სასამართლოს თავმჯდომარის, კონსტანტინე კუბლაშვილის საჯარო ლექცია თბილისის ზოგადსაგანმანათლებლო სკოლების მოსწავლეებისათვის.
29 დეკემბერი, თბილისის საქალაქო სასამართლო
15:00 _  ჟურნალისტებისათვის თბილისის საქალაქო სასამართლოს შენობისა და ნაფიც მსაჯულთა სასამართლოსათვის განკუთვნილი დარბაზის დათვალიერება;
15:30 _ ქართული საეკლესიო და საერო სამართლის ძეგლების მუდმივმოქმედი ექსპოზიციის დათვალიერება;
16:00 _ თბილისის საქალაქო სასამართლოს გზამკვლევის პრეზენტაცია;
16:15     _ თბილისის საქალაქო სასამართლოს თავმჯდომარის ბატონ გიორგი შავლიაშვილის წლიური ანგარიშის წარდგენა და საახალწო მიღება მედიისათვის.
30 დეკემბერი, საქართველოს უზენაესი სასამართლო
12:00 _ საქართველოს უზენაესი სასამართლოს თავმჯდომარის ბატონ კონსტანტინე კუბლაშვილის პრესკონფერენცია და წლიური ანგარიშის წარდგენა მედიისათვის;
12:30 _ წიგნის “ბავშვი და სამართალი” პრეზენტაცია;
13:00 _ საქართველოს უზენაესი სასამართლოს თავმჯდომარის ბატონ კონსტანტინე კუბლაშვილის საახალწლო მიღება მედიის წარმომადგენლებისათვის.