საქართველოს უზენაესი სასამართლო

ლევან მიქაბერიძე

მოსამართლე

2019 წლის 12 დეკემბრიდან უვადოდ, კანონით დადგენილი ასაკის მიღწევამდე არჩეულია საქართველოს უზენაესი სასამართლოს მოსამართლედ.

პირადი ინფორმაცია

დაიბადა 1982 წლის 7 მარტს, ქ. თბილისში.

სამუშაო გამოცდილება

2019 წლის ივლისიდან  2019 წლის 12 დეკემბრამდე დაინშნული იყო თბილისის სააპელაციო სასამართლოს მოსამართლედ უვადოდ, კანონით დადგენილი ასაკის მიღწევამდე.

2016-2019 წლებში იყო თბილისის საქალაქო სასმართლოს სამოქალაქო საქმეთა კოლეგიის მოსამართლე.

2013-2016 წლებში იყო ბათუმის საქალაქო სასამართლოს მოსამართლე.

2013 წლის ნოემბერში მუშაობდა საქართველოს უზენაეს სასამართლოში სამოქალაქო საქმეთა პალატის სამდივნოში კონსულტანტად.

2012-2013 წლებში სწავლობდა იუსტიციის უმაღლეს სკოლაში.

2011-2012 წლებში მუშაობდა თბილისის საქალაქო სასამართლოს კანცელარიის ადმინისტრაციულ საქმეთა კოლეგიის სექტორის უფროსის თანამდებობაზე.

2009-2011 წლებში მუშაობდა თბილისის საქალაქო სასამართლოს სამოქალაქო საქმეთა კოლეგიაში, შემდეგ ადმინისტრაციულ საქმეთა კოლეგიაში მოსამართლის თანაშემწედ.

2007-2009 წლებში მუშაობდა თბილისის საქალაქო სასამართლოს სამოქალაქო საქმეთა კოლეგიაში სხდომის მდივნად.

2006-2007 წლებში მუშაობდა თბილისის საქალაქო სასამართლოს ადმინისტრაციულ საქმეთა კოლეგიის ბიუროს კანცელარიის სპეციალისტად.

2006 წლის (მარტიდან ივნისამდე) მუშაობდა თბილისის სააპელაციო სასამართლოს კანცელარიისა და მოქალაქეთა მისაღების (განყოფილება) კურიერად.

განათლება:

2005 წელს წარჩინებით დაამთავრა ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი, სპეციალობით სამართლისმცოდნეობა. მიენიჭა იურისტის კვალიფიკაცია.

2005 წელს დაამთავრა ი. ჯავახიშვილის სახელობის თბილისის სახელმწიფო უნივერსიტეტის გეოგრაფიის ფაკულტეტი სპეციალობით მეტეოროლოგია, ატმოსფეროს ეკოლოგია. მიენიჭა გეოგრაფიის ბაკალავრის აკადემიური ხარისხი და მეტეოროლოგ-კლიმატოლოგის კვალიფიკაცია.

2013 წელს დაამთავრა იუსტიციის უმაღლესი სკოლა.

ჩაბარებული აქვს მოსამართლის თანაშემწის საკვალიფიკაციო გამოცდა და მოსამართლის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით.