საქართველოს უზენაესი სასამართლო

სამუშაო ვიზიტი ესტონეთში

გამოქვეყნებულია: 14/02/2012

2012 წლის 14 თებერვალს, უზენაესი სასამართლოს თავმჯდომარე კონსტანტინე კუბლაშვილი და თავმჯდომარის პირველი მოადგილე ზაზა მეიშვილი სამუშაო ვიზიტით ესტონეთში გაემგზავრნენ. 

ქართულმა მხარემ მიწვევა ესტონეთის უზენაესი სასამართლოს თავმჯდომარისგან და ესტონეთის მოსამართლეთა ასოციაციისგან მიიღო. შეხვედრები გაიმართება პიარნუს, ტარტუსა და ტალინის სასამართლოებში. კონსტანტინე კუბლაშვილი და ზაზა მეიშვილი ასევე შეხვედრებს გამართავენ ესტონეთის უზენაეს სასამართლოში, რომელიც ქ. ტარტუში მდებარეობს.

საქართველოსა და ესტონეთის სასამართლოებს შორის საქმიანი ურთოერთობა უკვე წლების მანძილზე გრძელდება, ასევე აქტიურად თანამშრომლობენ საქართველოსა და ესტონეთის მოსამართლეთა ასოციაციებიც.

ვიზიტი სამდღიანია და იგი 16 თებერვალს დასრულდება.