პარიზში უზენაესი სასამართლოების...

s

პარიზში უზენაესი სასამართლოების თავმჯდომარეთა კონფერენცია დასრულდა

გამოქვეყნებულია: 16/09/2019

2019 წლის 12-13 სექტემბერს, პარიზში, საფრანგეთის საკასაციო სასამართლოს ეგიდით, გაიმართა ევროპის საბჭოს წევრი ქვეყნების უზენაესი სასამართლოების თავმჯდომარეთა  უმაღლესი დონის კონფერენცია, რომელშიც მონაწილეობდნენ საქართველოს უზენაესი სასამართლოს თავმჯდომარის მოვალეობის შემსრულებელი მზია თოდუა, საქართველოს საკონსტიტუციო სასამართლოს თავმჯდომარის მოადგილე თეიმურაზ ტუღუში და საქართველოს უზენაესი სასამართლოს მოსამართლე, ევროპის საბჭოს მართლმსაჯულების ეფექტიანობის კომისიაში (CEPEJ) საქართველოს წარმომადგენელი ნინო ბაქაქური.

კონფერენცია გახსნა საფრანგეთის საკასაციო სასამართლოს პირველმა პრეზიდენტმა  ანტალ არენსმა. მონაწილეებს მისასალმებელი სიტყვით მიმართეს  საკასაციო სასამართლოს გენერალურმა პროკურორმა, საკონსტიტუციო საბჭოს პრეზიდენტმა,  სახელმწიფო საბჭოს ვიცე-პრეზიდენტმა და ადამიანის უფლებათა ევროპული სასამართლოს თავმჯდომარემ.

კონფერენციის ფარგლებში გაიმართა სამი პარალელური სესია: სასამართლოს წინაშე სამართლებრივი დაცვის ეფექტური საშუალებების, ეროვნული სასამართლოებსა და ადამიანის უფლებათა ევროპულ სასამართლოს შორის ურთიერთობის, გამოხატვის თავისუფლებისა და პირადი და ოჯხური ცხოვრების უფლების ურთიერთმიმართებასთან დაკავშირებით.

კონფერენციაში მონაწილე დელეგაციების ხელმძღვანელებს ელისეს სასახლეში უმასპინძლა საფრანგეთის პრეზიდენმა ემანულ მაკრონმა.

კონფერენციის დასასრულს მონაწილეებს სიტყვით მიმართეს საფრანგეთის იუსტიციის მინისტრმა და ევროპის საბჭოს გენერალურმა მდივანმა. კონფერენციამ მუშაობა 13 სექტემბერს დაასრულა.

ბოლო სიახლეები

ოქტომბერი 2019

  • Previous month
  • Next month
ოქტომბერი 2019
Mo Tu We Th Fr Sa Su
 123456
78910111213
14151617181920
21222324252627
28293031   

banermuz

სახელმწიფო ბაჟის გამოთვლის პროგრამა

sajaro

tamashi

Tour

saqartvelossasamartloebi