ბათუმში UNICEF-ის საერთაშორისო კონფერენცია...

s

ბათუმში UNICEF-ის საერთაშორისო კონფერენცია გაიმართა

გამოქვეყნებულია: 25/09/2021

23-24 სექტემბერს, ბათუმში, გაეროს ბავშვთა ფონდის (UNICEF), შოთა რუსთაველის სახელმწიფო უნივერსიტეტთან პარტნიორობითა და აჭარის ავტონომიური რესპუბლიკის განათლების, კულტურისა და სპორტის სამინისტროს ეგიდით გაიმართა მეორე საერთაშორისო კონფერენცია, რომელიც მიეძღვნა ბავშვთა უფლებების ჩართვას საუნივერსიტეტო საგანმანათლებლო პროგრამებსა და კურიკულუმებში. საერთაშორისო კონფერენციის მონაწილეებს მიესალმა საქართველოს უზენაესი სასამართლოს თავმჯდომარე ნინო ქადაგიძე, რომელმაც განსაკუთრებით აღნიშნა, ბავშვთა უფლებების ცოდნის მნიშვნელობის შესახებ როგორც საგანმანათებლო სისტემაში ისე, ზოგადად საზოგადოებრივ ცხოვრებაში.

კონფერენციაზე იუსტიციის უმაღლესი სკოლის სახელით მოხსენებით წარსდგა თბილისის სააპელაციო სასამართლოს მოსამართლე თამარ ალანია, რომელმაც ასევე ისაუბრა სასწავლო პროგრამებში ბავშვთა უფლებების ინკორპორირების მნიშვნელობის შესახებ.

25-26 სექტემბერს ასევე ბათუმში, სასტუმრო ,,ჰილტონში“, გაეროს ბავშვთა ფონდის (UNICEF) და საქართველოში საფრანგეთის საელჩოს ერთობლივი ორგანიზებით ბავშვთა მოსამართლის კონცეფციის განსახილველად სამუშაო შეხვედრა გაიმართა, რომელშიც მონაწილეობა მიიღო საქართველოს უზენაესი სასამართლოს თავმჯდომარემ ნინო ქადაგიძემ. შეხვედრაში ასევე მონაწილეობდნენ მულტიდისციპლინური გუნდის წევრი სპეციალიზებული მოსამართლეები: ეკა არეშიძე, ეკა გაბრიჩიძე, ლევან დარბაიძე, თამარ ალანია, მადონა მაისურაძე, მაია თეთრაული, ეკატერინე გასიტაშვილი, ასევე, იუსტიციის უმაღლესი საბჭოს წევრი მოსამართლე თამარ ონიანი და იუსტიციის უმაღლესი სკოლის წარმომადგენლები.

აგვისტო 2022

  • Previous month
  • Next month
აგვისტო 2022
Mo Tu We Th Fr Sa Su
1234567
891011121314
15161718192021
22232425262728
293031    

banermuz

სახელმწიფო ბაჟის გამოთვლის პროგრამა

sajaro

tamashi

Tour

saqartvelossasamartloebi