მიმდინარე წლის 19 მაისს საქართველოს უზენაესი სასამართლოს თავმჯდომარის მოადგილემ, სისხლის სამართლის საქმეთა პალატის თავმჯდომარემ, ლევან თევზაძემ მონაწილეობა მიიღო საქართველოს სახალხო დამცველის სპეციალური ანგარიშის - ,,უვადო თავისუფლებააღკვეთილი მსჯავრდებულების მიმართ განხორციელებული მართლმსაჯულებისა და პირობით ვადამდე გათავისუფლების საკანონმდებლო და პრაქტიკული ანალიზის“ განხილვაში.

ღონისძიებაზე მისასალმებელი სიტყვით გამოვიდნენ  საქართველოს სახალხო დამცველი ლევან იოსელიანი, საქართველოს უზენაესი სასამართლოს თავმჯდომარის მოადგილე ლევან თევზაძე, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე რატი იონათამიშვილი და საქართველოს იუსტიციის მინისტრის მოადგილე გიორგი დგებუაძე.

პრეზენტაციის ფარგლებში განხილულ იქნა საქართველოს პენიტენციურ სისტემაში მყოფი უვადო თავისუფლებააღკვეთილ მსჯავრდებულთათვის სასჯელის შეცვლის, შემსუბუქების, შეწყვეტის ან პატიმრობიდან პირობით გათავისუფლებისათვის საჭირო პროცედურები, მათზე შეღავათის გავრცელების საერთაშორისო პრაქტიკა და საქართველოში არსებული გარანტიებისა და მექანიზმების ევროპულ სტანდარტებთან შესაბამისობის საკითხი.