ბს-456-450 (კ-14) 23 ოქტომბერი, 2014 წ.

ქ. თბილისი

ადმინისტრაციულ საქმეთა პალატამ

შემდეგი შემადგენლობით:

ნუგზარ სხირტლაძე (თავმჯდომარე, მომხსენებელი),

მოსამართლეები: ლევან მურუსიძე, მაია ვაჩაძე

საქართველოს ადმინისტრაციული საპროცესო კოდექსის პირველი მუხლისა და 34-ე მუხლის მე-3 ნაწილის საფუძველზე, საქართველოს სამოქალაქო საპროცესო კოდექსის 408-ე მუხლის მე-3 ნაწილის შესაბამისად, ზეპირი განხილვის გარეშე, განიხილა ქ.თბილისის მერიის საკასაციო საჩივრის დასაშვებობის საფუძვლები თბილისის სააპელაციო სასამართლოს ადმინისტრაციულ საქმეთა პალატის 29.04.2014წ. განჩინებაზე.

ა ღ წ ე რ ი ლ ო ბ ი თ ი ნ ა წ ი ლ ი:

მ.წ-მა 11.06.2013წ. სარჩელით მიმართა თბილისის საქალაქო სასამართლოს მოპასუხე ქ.თბილისის მერიის მიმართ და მოითხოვა 20.02.2013წ. განცხადებით მოთხოვნილი ინფორმაციის სრულყოფილად მიწოდება, კერძოდ რა თანხები გადაირიცხა 2003 წლის 1 იანვრიდან 2013 წლის 20 თებერვლამდე ტელევიზიებში - ,,რ...“, ,,ი...“, ,,ს...“, ,,მ...“, ,,ა...“ და რადიოებში: ,,ფ...“, ,,რ...“, ,,კ...“, ,,პ...“, ,,ა...“, ,,მ...“, ,,ავ...“, ,,ს...”, ,,ჯ...“, ,,მ...“, ,,...“, ,,დ...“, ,,ჯა...”, ,,უ...“, ,,მა...“, ,,ც...“, ,,ე...“, ,,ბ...”, ,,რა...“ და ,,პა...“; ასევე რა მიზნით განხორციელდა აღნიშნული თანხების გადარიცხვა.

თბილისის საქალაქო სასამართლოს ადმინისტრაციულ საქმეთა კოლეგიის 20.01.2014წ. გადაწვეტილებით მ.წ-ის სარჩელი დაკმაყოფილდა, მოპასუხე ქ.თბილისის მერიას დაევალა მოსარჩელისათვის 20.02.2013წ. განცხადებით მოთხოვნილი ინფორმაციის სრულყოფილი სახით მიწოდება, კერძოდ, რა თანხები გადაირიცხა 2003 წლის 1 იანვრიდან 2013 წლის 20 თებერვლამდე ტელევიზიებში - ,,რ...“, ,,ი...“, ,,ს...“, ,,მ...“, ,,ა...“ და რადიოებში: ,,ფ...“, ,,რ...“, ,,კ...“, ,,პ...“, ,,ა...“, ,,მ...“, ,,ავ...“, ,,ს...”, ,,ჯ...“, ,,მ...“, ,,...“, ,,დ...“, ,,ჯა...”, ,,უ...“, ,,მა...“, ,,ც...“, ,,ე...“, ,,ბ...”, ,,რა...“ და ,,პა...“; ასევე რა მიზნით განხორციელდა აღნიშნული თანხების გადარიცხვა. ქ.თბილისის მერიას მ.წ-ის სასარგებლოდ დაეკისრა მოსარჩელის მიერ გადახდილი სახელმწიფო ბაჟის - 100 ლარის ანაზღაურება. აღნიშნული გადაწყვეტილება სააპელაციო წესით გასაჩივრდა ქ.თბილისის მერიის მიერ.

თბილისის სააპელაციო სასამართლოს ადმინისტრაციულ საქმეთა პალატის 29.04.2014წ. განჩინებით ქ.თბილისის მერიის სააპელაციო საჩივარი არ დაკმაყოფილდა, უცვლელად დარჩა გასაჩივრებული გადაწყვეტილება, რაც საკასაციო წესით გასაჩივრდა ქ.თბილისის მერიის მიერ.

ს ა მ ო ტ ი ვ ა ც ი ო ნ ა წ ი ლ ი:

საკასაციო სასამართლო გასაჩივრებული განჩინების გაცნობის, საკასაციო საჩივრის საფუძვლიანობის შემოწმების შედეგად მიიჩნევს, რომ ქ.თბილისის მერიის საკასაციო საჩივარი დაუშვებლად უნდა იქნეს ცნობილი შემდეგ გარემოებათა გამო:

საკასაციო სასამართლოს მიაჩნია, რომ მოცემულ შემთხვევაში არ არსებობს სააპელაციო სასამართლოს მიერ გამოყენებული საპროცესო და მატერიალური სამართლის ნორმების განმარტებისა და სამართლის განვითარების მიზნით, საკასაციო სასამართლოს მიერ ზოგადი მნიშვნელობის მქონე სახელმძღვანელო და სარეკომენდაციო გადაწყვეტილების გამოტანის ფაქტობრივი საჭიროება.

საკასაციო სასამართლოს მოსაზრებით, აღნიშნულ საქმეს არ გააჩნია პრინციპული მნიშვნელობა სასამართლო პრაქტიკისათვის, ხოლო საკასაციო საჩივარს - წარმატების პერსპექტივა.

აღნიშნულიდან გამომდინარე, საკასაციო სასამართლოს მიაჩნია, რომ მოცემულ შემთხვევაში არ არსებობს საკასაციო საჩივრის დასაშვებობის საქართველოს ადმინისტრაციული საპროცესო კოდექსის 34-ე მუხლის მე-3 ნაწილით განსაზღვრული არც ერთი საფუძველი, რის გამოც ქ.თბილისის მერიის საკასაციო საჩივარი არ უნდა იქნეს დაშვებული განსახილველად.

ს ა რ ე ზ ო ლ უ ც ი ო ნ ა წ ი ლ ი:

საკასაციო სასამართლომ იხელმძღვანელა საქართველოს ადმინისტრაციული საპროცესო კოდექსის პირველი მუხლის მე-2 ნაწილით, 34-ე მუხლის მე-3 ნაწილით და

დ ა ა დ გ ი ნ ა:

1. ქ.თბილისის მერიის საკასაციო საჩივარი მიჩნეულ იქნეს დაუშვებლად;

2. უცვლელად დარჩეს თბილისის სააპელაციო სასამართლოს ადმინისტრაციულ საქმეთა პალატის 29.04.2014წ. განჩინება;

3. საქართველოს უზენაესი სასამართლოს განჩინება საბოლოოა და არ საჩივრდება.

თავმჯდომარე: ნ. სხირტლაძე

მოსამართლეები: ლ. მურუსიძე

მ. ვაჩაძე