795აპ-08 ქ. თბილისი

29 ივლისი, 2009 წელი

საქართველოს უზენაესი სასამართლოს სისხლის სამართლის საქმეთა პალატამ შემდეგი შემადგენლობით:

ი. ტყეშელაშვილი (თავმჯდომარე),

დ. სულაქველიძე, პ. სილაგაძე

ზეპირი მოსმენის გარეშე განიხილა მსჯავრდებულ ლ. კ-ს მიმართ საქართველოს უზენაესი სასამართლოს სისხლის სამართლის საქმეთა პალატის 2008 წლის 9 იანვრის განჩინებებში დაშვებული უზუსტობის აღმოფხვრის საკითხი.

აღწერილობითი ნაწილი:

საქართველოს უზენაესი სასამართლოს სისხლის სამართლის საქმეთა პალატის 2008 წლის 9 იანვრის განჩინებით დაუშვებლად იქნა ცნობილი საკასაციო საჩივარი თბილისის სააპელაციო სასამართლოს 2008 წლის 2 აპრილის განაჩენზე ლ. კ-ას მიმართ.

უზენაესი სასამართლოს განჩინებებში დასაშვებობის შესამოწმებლად საკასაციო საჩივრის წარმოებაში მიღებისა და საკასაციო საჩივრის დაუშვებლად ცნობის შესახებ დაშვებულია უზუსტობა, კერძოდ, მათ შესავალ ნაწილში განჩინების თარიღად აღნიშნულია _ «9 იანვარი, 2008 წელი», რის ნაცვლად მითითებული უნდა იყოს _ ,,9 იანვარი, 2009 წელი».

აღნიშნული უზუსტობა უნდა გასწორდეს, რაც არ გამოიწვევს განჩინების გაუქმებას ან შეცვლას.

სარეზოლუციო ნაწილი:

პალატამ იხელმძღვანელა საქართველოს სსსკ-ის 615-ე მუხლით და

დაადგინა:

ლ. კ-ას მიმართ დასაშვებობის შესამოწმებლად საკასაციო საჩივრის წარმოებაში მიღებისა და საკასაციო საჩივრის დაუშვებლად ცნობის შესახებ საქართველოს უზენაესი სასამართლოს სისხლის სამართლის საქმეთა პალატის 2008 წლის 9 იანვრის განჩინებებში დაშვებული უზუსტობა აღმოიფხვრას და მათ შესავალ ნაწილში ნაცვლად: ,,9 იანვარი, 2008 წელი", ჩაიწეროს _ ,,9 იანვარი, 2009 წელი".

განჩინება საბოლოოა და არ საჩივრდება.