საქმე ბს-312-308(კ-15) 15 მაისი, 2015 წელი
ქ. თბილისი
ადმინისტრაციულ საქმეთა პალატა
შემადგენლობა:
ნუგზარ სხირტლაძე (თავმჯდომარე, მომხსენებელი),
ლევან მურუსიძე, მაია ვაჩაძე
საქართველოს სამოქალაქო საპროცესო კოდექსის 408-ე მუხლის შესაბამისად, ზეპირი მოსმენის გარეშე შეამოწმა ა. ჩ-ის საკასაციო საჩივრის დასაშვებობის საკითხი თბილისის სააპელაციო სასამართლოს ადმინისტრაციულ საქმეთა პალატის 26.03.2015წ. განჩინებაზე.
საკასაციო სასამართლო ა. ჩ-ის საკასაციო საჩივრის გაცნობის შედეგად მიიჩნევს, რომ საკასაციო საჩივარი განუხილველად უნდა იქნეს დატოვებული შემდეგ გარემოებათა გამო:
მოცემულ შემთხვევაში, დავის საგანს წარმოადგენს ა. ჩ-ისთვის ლტოლვილის სტატუსის მინიჭებაზე უარის თქმის შესახებ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს გადაწყვეტილების ბათილად ცნობა, ასევე, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსათვის ახალი ინდივიდუალური ადმინისტრაციულ-სამართლებრივი აქტის გამოცემის დავალება ა. ჩ-ისთვის ლტოლვილის სტატუსის მინიჭების თაობაზე. შესაბამისად, აღნიშნულ დავაზე უნდა გავრცელდეს საქართველოს ადმინისტრაციული საპროცესო კოდექსის VII6 თავის დებულებები.
საქართველოს ადმინისტრაციული საპროცესო კოდექსის 2125 მუხლი აწესრიგებს ლტოლვილის ან ჰუმანიტარული სტატუსის მინიჭების ან თავშესაფრის მიცემის საკითხის გადაწყვეტის წესს. აღნიშნული მუხლის მე-5 ნაწილის შესაბამისად, საკასაციო საჩივარი გადაწყვეტილების გაუქმების თაობაზე შეიტანება სააპელაციო სასამართლოში მხარისათვის მისი გადაცემიდან 10 დღის ვადაში.
საქმეში არსებული გზავნილის ჩაბარების შესახებ დასტურიდან ირკვევა, რომ ა. ჩ-ის წარმომადგენელს - ი. გ-ს თბილისის სააპელაციო სასამართლოს ადმინისტრაციულ საქმეთა პალატის 26.03.2015წ. განჩინება ჩაბარდა 2015 წლის 2 აპრილს (ტ. 2, ს.ფ. 54), საჩივრის ავტორმა კი აღნიშნულ განჩინებაზე საკასაციო საჩივარი ფოსტაში წარადგინა 2015 წლის 15 აპრილს (ტ. 2. ს.ფ. 65), ე.ი. საქართველოს ადმინისტრაციული საპროცესო კოდექსის 2125 მუხლში მითითებული ათდღიანი ვადის გადაცილებით. ამასთან, საკასაციო საჩივარი დათარიღებულია 15.04.2015 წლით.
საქართველოს ადმინისტრაციული საპროცესო კოდექსის პირველი მუხლის მეორე ნაწილის თანახმად, თუ ამ კოდექსით სხვა რამ არ არის დადგენილი, ადმინისტრაციულ სამართალწარმოებაში გამოიყენება საქართველოს სამოქალაქო საპროცესო კოდექსის დებულებანი.
საქართველოს სამოქალაქო საპროცესო კოდექსის 59-ე მუხლის პირველი ნაწილის შესაბამისად, საპროცესო მოქმედება სრულდება კანონით დადგენილ ვადაში. ამავე კოდექსის 61-ე მუხლის პირველი ნაწილის შესაბამისად, თვეებით გამოსათვლელი ვადა გასულად ჩაითვლება ვადის უკანასკნელი თვის შესაბამის თვესა და რიცხვში, ხოლო ამავე მუხლის მეორე და მესამე ნაწილების თანახმად კი, საპროცესო მოქმედება, რომლის შესასრულებლადაც დადგენილია ვადა, შეიძლება შესრულდეს ვადის უკანასკნელი დღის ოცდაოთხ საათამდე. თუ ვადის უკანასკნელი დღე ემთხვევა უქმე და დასვენების დღეს, ვადის დამთავრების დღედ ჩაითვლება მისი მომდევნო პირველი სამუშაო დღე.
ზემოაღნიშნულიდან გამომდინარე, ა. ჩ-ის საკასაციო საჩივრის შეტანის ვადა ჰქონდა 14.04.2015წ. ოცდაოთხ საათამდე, რომელიც იყო სამუშაო დღე - სამშაბათი, ხოლო საკასაციო საჩივრის ავტორის წარმომადგენელმა საჩივარი ფოსტაში წარადგინა 15.04.2015წ., ე.ი. საქართველოს ადმინისტრაციული საპროცესო კოდექსის 2125 მუხლში მითითებული ათდღიანი ვადის გადაცილებით, რაც საკასაციო საჩივრის განუხილველად დატოვების საფუძველია.
ზემოაღნიშნულიდან გამომდინარე, საკასაციო პალატა მიიჩნევს, რომ ა. ჩ-ის საკასაციო საჩივარი განუხილველად უნდა იქნეს დატოვებული გასაჩივრების ვადის გადაცილების გამო.
ს ა რ ე ზ ო ლ უ ც ი ო ნ ა წ ი ლ ი:
საკასაციო სასამართლომ იხელმძღვანელა ადმინისტრაციული საპროცესო კოდექსის პირველი მუხლის მეორე ნაწილით, 2125 მუხლით, სამოქალაქო საპროცესო კოდექსის 61-ე, 63-ე მუხლებით და
დ ა ა დ გ ი ნ ა:
1. ა. ჩ-ის საკასაციო საჩივარი თბილისის სააპელაციო სასამართლოს ადმინისტრაციულ საქმეთა პალატის 26.03.2015წ. განჩინებაზე დარჩეს განუხილველად;
2. საკასაციო სასამართლოს განჩინება საბოლოოა და არ საჩივრდება.
თავმჯდომარე ნ. სხირტლაძე
მოსამართლეები: ლ. მურუსიძე
მ. ვაჩაძე
