საკასაციო საჩივრის განუხილველად დატოვების შესახებ

საქმე №ბს-431-428(კ-17) 18.05.2017 წელი

ქ. თბილისი

ადმინისტრაციულ საქმეთა პალატამ:

შემდეგი შემადგენლობით:

ვასილ როინიშვილი (თავმჯდომარე; მომხსენებელი)

მაია ვაჩაძე, ნუგზარ სხირტლაძე

საქმის განხილვის ფორმა - ზეპირი მოსმენის გარეშე

კასატორი (მოპასუხე) - ი. ტ-ე

მოწინააღმდეგე მხარე (მოსარჩელე) - ლ. ა-ი

მოპასუხე - სსიპ საჯარო რეესტრის ეროვნული სააგენტოს იმერეთის რეგიონული ოფისი

გასაჩივრებული განჩინება - ქუთაისის სააპელაციო სასამართლოს ადმინისტრაციულ საქმეთა პალატის 2016 წლის 2 დეკემბრის განჩინება

კასატორის მოთხოვნა - გასაჩივრებული განჩინების გაუქმება, ლ. ა-ის სარჩელის დაკმაყოფილებაზე უარის თქმის შესახებ ახალი გადაწყვეტილების მიღება

დავის საგანი - ინდივიდუალური ადმინისტრაციულ-სამართლებრივი აქტის ბათილად ცნობა, ახალი ინდივიდუალური ადმინისტრაციულ-სამართლებრივი აქტის გამოცემა

ა ღ წ ე რ ი ლ ო ბ ი თ ი ნ ა წ ი ლ ი:

ლ. ა-მა 2015 წლის 24 ნოემბერს სარჩელი აღძრა ქუთაისის საქალაქო სასამართლოს ადმინისტრაციულ საქმეთა კოლეგიაში მოპასუხეების - საჯარო რეესტრის ეროვნული სააგენტოს ქუთაისის სარეგისტრაციო სამსახურის (უფლებამონაცვლე - იმერეთის რეგიონული ოფისი) და ი. ტ-ის მიმართ. მოსარჩელემ მოითხოვა საჯარო რეესტრის ეროვნული სააგენტოს ქუთაისის სარეგისტრაციო სამსახურის 2015 წლის 12 ოქტომბრის №882015535427-08 გადაწყვეტილების ბათილად ცნობა და საჯარო რეესტრის ეროვნული სააგენტოს ქუთაისის სარეგისტრაციო სამსახურისთვის ახალი გადაწყვეტილების მიღების დავალება ლ. ა-ის სახელზე მესაკუთრის გრაფაში №1 შენობის მესამე გამოყოფილი ნაწილის საერთო ფართით 74,06 კვ. მეტრი და დამხმარე ნაგებობა №3 – 14,70 კვ. მეტრიდან ½ ნაწილის რეგისტრაციის შესახებ (უძრავი ქონების საკადასტრო კოდი ..., მისამართი - ქ. ქუთაისი, ... ქ. №39/ქ. ქუთაისი, ... ქ. №2).

ქუთაისის საქალაქო სასამართლოს 2016 წლის 29 ივლისის გადაწყვეტილებით ლ. ა-ის სარჩელი დაკმაყოფილდა, ბათილად იქნა ცნობილი საჯარო რეესტრის ეროვნული სააგენტოს ქუთაისის სარეგისტრაციო სამსახურის 2015 წლის 12 ოქტომბრის №882015535427-08 გადაწყვეტილება ლ. ა-ის სახელზე მესაკუთრის გრაფაში №1 შენობის მესამე გამოყოფილი ნაწილის საერთო ფართით 74,06 კვ. მეტრი და დამხმარე ნაგებობა №3 – 14,70 კვ. მეტრიდან ½ ნაწილის რეგისტრაციის შესახებ, დაევალა საჯარო რეესტრის ეროვნული სააგენტოს ქუთაისის სარეგისტრაციო სამსახურს ახალი გადაწყვეტილების მიღებით ლ. ა-ის სახელზე განახორციელოს რეგისტრაცია და აღინიშნოს №1 შენობის გამოყოფილი ნაწილი საერთო ფართით 148,12 კვ. მეტრი და დამხმარე ნაგებობა №3 – 14,70 კვ. მ-დან ½ (უძრავი ქონების საკადასტრო კოდი ..., მისამართი - ქ. ქუთაისი, ... ქ. №39/ქ. ქუთაისი, ... ქ. №2), საჯარო რეესტრის ეროვნული სააგენტოს ქუთაისის სარეგისტრაციო სამსახურს და ი. ტ-ეს თანაბარწილად დაეკისრათ ლ. ა-ის სასარგებლოდ მის მიერ სარჩელზე და სარჩელის უზრუნველყოფის შესახებ განცხადებაზე გადახდილი სახელმწიფო ბაჟის 150 (ას ორმოცდაათი) ლარის ანაზღაურება. აღნიშნული გადაწყვეტილება სააპელაციო წესით გაასაჩივრეს სსიპ საჯარო რეესტრის ეროვნული სააგენტოს იმერეთის რეგიონულმა ოფისმა და ი. ტ-ემ.

ქუთაისის სააპელაციო სასამართლოს ადმინისტრაციულ საქმეთა პალატის 2016 წლის 28 ოქტომბრის განჩინებით ი. ტ-ის სააპელაციო საჩივარი დარჩა განუხილველი.

ქუთაისის სააპელაციო სასამართლოს ადმინისტრაციულ საქმეთა პალატის 2016 წლის 2 დეკემბრის განჩინებით სსიპ საჯარო რეესტრის ეროვნული სააგენტოს იმერეთის რეგიონული ოფისის სააპელაციო საჩივარი არ დაკმაყოფილდა; უცვლელად დარჩა ქუთაისის საქალაქო სასამართლოს 2016 წლის 29 ივლისის გადაწყვეტილება.

ქუთაისის სააპელაციო სასამართლოს ადმინისტრაციულ საქმეთა პალატის 2016 წლის 2 დეკემბრის განჩინება საკასაციო წესით გაასაჩივრა ი. ტ-ემ.

ს ა მ ო ტ ი ვ ა ც ი ო ნ ა წ ი ლ ი:

საკასაციო სასამართლო მიიჩნევს, რომ ი. ტ-ის საკასაციო საჩივარი დაუშვებელია შემდეგ გარემოებათა გამო:

ადმინისტრაციული საპროცესო კოდექსის პირველი მუხლის მე-2 ნაწილის თანახმად, თუ ამ კოდექსით სხვა რამ არ არის დადგენილი, ადმინისტრაციულ სამართალწარმოებაში გამოიყენება საქართველოს სამოქალაქო საპროცესო კოდექსის დებულებანი.

საკასაციო სასამართლო მიუთითებს საქართველოს სამოქალაქო საპროცესო კოდექსის 264-ე მუხლის პირველ ნაწილზე და განმარტავს, რომ პირველი ინსტანციის სასამართლოს გადაწყვეტილება შედის კანონიერ ძალაში: ა) გამოცხადებისთანავე, თუ დაუშვებელია სააპელაციო წესით გასაჩივრება; ბ) სააპელაციო წესით გასაჩივრების ვადის გასვლის შემდეგ, როდესაც დასაშვებია გადაწყვეტილების სააპელაციო გასაჩივრება, თუ იგი არ იყო ამ წესით გასაჩივრებული; გ) სააპელაციო სასამართლოს განჩინების კანონიერ ძალაში შესვლის შემდეგ, რომელმაც გასაჩივრებული გადაწყვეტილება უცვლელი დატოვა; დ) თუ გადაწყვეტილების გამოცხადების შემდეგ მხარეები წერილობითი ფორმით განაცხადებენ უარს მის სააპელაციო წესით გასაჩივრებაზე.

განსახილველ შემთხვევაში, პირველი ინსტანციის სასამართლოს გადაწყვეტილებით სარჩელი დაკმაყოფილდა; ბათილად იქნა ცნობილი საჯარო რეესტრის ეროვნული სააგენტოს ქუთაისის სარეგისტრაციო სამსახურის 2015 წლის 12 ოქტომბრის №882015535427-08 გადაწყვეტილება ლ. ა-ის სახელზე მესაკუთრის გრაფაში №1 შენობის მესამე გამოყოფილი ნაწილის საერთო ფართით 74,06 კვ. მეტრი და დამხმარე ნაგებობა №3 – 14,70 კვ. მეტრიდან ½ ნაწილის რეგისტრაციის შესახებ, საჯარო რეესტრის ეროვნული სააგენტოს ქუთაისის სარეგისტრაციო სამსახურს დაევალა ახალი გადაწყვეტილების მიღებით ლ. ა-ის სახელზე განახორციელოს რეგისტრაცია და აღინიშნოს №1 შენობის გამოყოფილი ნაწილი საერთო ფართით 148,12 კვ. მეტრი და დამხმარე ნაგებობა №3 – 14,70 კვ. მ-დან ½ (უძრავი ქონების საკადასტრო კოდი ..., მისამართი - ქ. ქუთაისი, ... ქ. №39/ქ. ქუთაისი, ... ქ. №2), საჯარო რეესტრის ეროვნული სააგენტოს ქუთაისის სარეგისტრაციო სამსახურს და ი. ტ-ეს თანაბარწილად დაეკისრათ ლ. ა-ის სასარგებლოდ მის მიერ სარჩელზე და სარჩელის უზრუნველყოფის შესახებ განცხადებაზე გადახდილი სახელმწიფო ბაჟის 150 (ას ორმოცდაათი) ლარის ანაზღაურება. აღნიშნული გადაწყვეტილება სააპელაციო წესით გაასაჩივრეს სსიპ საჯარო რეესტრის ეროვნული სააგენტოს იმერეთის რეგიონულმა ოფისმა და ი. ტ-ემ. საკასაციო სასამართლო ყურადღებას ამახვილებს იმ გარემოებაზე, რომ ქუთაისის სააპელაციო სასამართლოს ადმინისტრაციულ საქმეთა პალატის 2016 წლის 28 ოქტომბრის განჩინებით ი. ტ-ის სააპელაციო საჩივარი დარჩა განუხილველი ხარვეზის შევსებისათვის გათვალისწინებული ვადის დარღვევის გამო.

შესაბამისად, ქუთაისის სააპელაციო სასამართლოს არსებითად არ უმსჯელია ი. ტ-ის სააპელაციო საჩივარზე და ქუთაისის საქალაქო სასამართლოს ადმინისტრაციულ საქმეთა კოლეგიის 2016 წლის 29 ივლისის გადაწყვეტილება ი. ტ-ის მიმართ შესულია კანონიერ ძალაში, რის გამოც ი. ტ-ის საკასაციო საჩივარი ქუთაისის სააპელაციო სასამართლოს ადმინისტრაციულ საქმეთა პალატის 2016 წლის 2 დეკემბრის განჩინებაზე განუხილველი უნდა დარჩეს დაუშვებლობის მოტივით.

ს ა რ ე ზ ო ლ უ ც ი ო ნ ა წ ი ლ ი:

საკასაციო პალატამ იხელმძღვანელა საქართველოს ადმინისტრაციული საპროცესო კოდექსის პირველი, 34-ე, სამოქალაქო საპროცესო კოდექსის 401-ე მუხლებით და

დ ა ა დ გ ი ნ ა:

1. ი. ტ-ის საკასაციო საჩივარი დარჩეს განუხილველი დაუშვებლობის გამო;

2. საქართველოს უზენაესი სასამართლოს განჩინება საბოლოოა და არ საჩივრდება.

თავმჯდომარე: ვ. როინიშვილი

მოსამართლეები: მ. ვაჩაძე

ნ. სხირტლაძე