ბს-1466(2კ-18) 24 ივნისი, 2020 წ.

ქ. თბილისი

ადმინისტრაციულ საქმეთა პალატა

შემადგენლობა:

ნუგზარ სხირტლაძე (თავმჯდომარე, მომხსენებელი),

მოსამართლეები: მაია ვაჩაძე, ქეთევან ცინცაძე

საქართველოს სამოქალაქო საპროცესო კოდექსის 260-ე მუხლის შესაბამისად, განიხილა საქართველოს უზენაესი სასამართლოს ადმინისტრაციულ საქმეთა პალატის №ბს-1466(2კ-18) 12.03.2020წ. განჩინებაში დაშვებული უსწორობის გასწორების საკითხი.

ა ღ წ ე რ ი ლ ო ბ ი თ ი ნ ა წ ი ლ ი:

საქართველოს უზენაესი სასამართლოს ადმინისტრაციულ საქმეთა პალატის 12.03.2020წ. განჩინებით ა. ქ-ისა და სსიპ სახელმწიფო ქონების ეროვნული სააგენტოს საკასაციო საჩივრები დაუშვებლად იქნა ცნობილი, უცვლელად დარჩა თბილისის სააპელაციო სასამართლოს ადმინისტრაციულ საქმეთა პალატის 27.06.2018წ. განჩინება, ლ. ქ-ას (პ.ნ. ...) დაუბრუნდა საკასაციო საჩივარზე 30.10.2018წ. N18383449 საგადახდო დავალებით გადახდილი სახელმწიფო ბაჟის 300 ლარის 70%, _ 210 ლარი.

16.06.2020წ. საკასაციო პალატას განცხადებით მომართა ა. ქ-ის წარმომადგენელმა თ. გ-მა და მოითხოვა 12.03.2020წ. განჩინების მე-3 პუნქტში დაშვებული უსწორობის გასწორება, კერძოდ, გადახდილი სახელმწიფო ბაჟის 70 %-ის კასატორ ა. ქ-ისათვის და არა ლ. ქ-ასთვის დაბრუნება.

საქართველოს სამოქალაქო საპროცესო კოდექსის 260-ე მუხლის პირველი ნაწილის შესაბამისად, სასამართლოს შეუძლია მხარეთა თხოვნით ან თავისი ინიციატივით გაასწოროს გადაწყვეტილებაში დაშვებული უსწორობანი.

საგადასახადო დავალებისა და წარმოდგენილი განცხადების გაცნობის შედეგად, საკასაციო პალატა მიიჩნევს, რომ 12.03.2020წ. განჩინების მე-3 პუნქტში არ არის დაშვებული უსწორობა. 30.10.2018წ. N18383449 საგადახდო დავალებით დასტურდება, რომ სახელმწიფო ბაჟი ა. ქ-ის საკასაციო საჩივარზე გადაიხადა ლ. ქ-ამ. აღნიშნულს ადასტურებს თავად განმცხადებელიც. სსკ-ის 401.4 მუხლის მიხედვით, საკასაციო საჩივრის დაუშვებლად ცნობის შემთხვევაში პირს დაუბრუნდება მის მიერ გადახდილი სახელმწიფო ბაჟის 70 %. ამდენად, სახელმწიფო ბაჟის გადამხდელი პირისათვის მის მიერ გადახდილი თანხის 70 %-ის დაბრუნება არ წარმოადგენს უსწორობას.

ს ა რ ე ზ ო ლ უ ც ი ო ნ ა წ ი ლ ი :

საკასაციო პალატამ იხელმძღვანელა საქართველოს ადმინისტრაციული საპროცესო კოდექსის პირველი მუხლის მეორე ნაწილით, საქართველოს სამოქალაქო საპროცესო კოდექსის 399-ე, 372-ე მუხლებით, 260-ე მუხლის პირველი ნაწილით და

დ ა ა დ გ ი ნ ა :

1. ა. ქ-ისს წარმომადგენლის თ. გ-ის განცხადება საქართველოს უზენაესი სასამართლოს ადმინისტრაციულ საქმეთა პალატის №ბს-1466(2კ-18) 12.03.2020წ. განჩინებაში დაშვებული უსწორობის გასწორების შესახებ არ დაკმაყოფილდეს;

2. საქართველოს უზენაესი სასამართლოს განჩინება საბოლოოა და არ საჩივრდება.

თავმჯდომარე ნ . სხირტლაძე

მოსამართლეები: მ. ვაჩაძე

ქ. ცინცაძე