საქართველოს უზენაესი სასამართლო

განჩინება

საქართველოს სახელით

¹ ა-114-შ-14- 08 13 თებერვალი, 2008 წელი

ქ.თბილისი

სამოქალაქო, სამეწარმეო და გაკოტრების

საქმეთა პალატა

შემადგენლობა:

მ. სულხანიშვილი (თავმჯდომარე)

რ. ნადირიანი (მომხსენებელი), თ. თოდრია

საქმის ზეპირი მოსმენის გარეშე განიხილა თ. ც-შვილის შუამდგომლობა გერმანიის ქ.ჰანოვერის პირველი ინსტანციის სასამართლოს 2007 წლის 7 მაისის გადაწყვეტილების საქართველოს ტერიტორიაზე ცნობისა და აღსრულების შესახებ, ს. მ-უელ და კ. დ-სის მიმართ განქორწინების თაობაზე.

ა ღ წ ე რ ი ლ ო ბ ი თ ი ნ ა წ ი ლ ი :

გერმანიის ქ.ჰანოვერის პირველი ინსტანციის სასამართლოს 2007 წლის 7 მაისის გადაწყვეტილებით დანიაში ქ.ჰადერსლევის მმაჩის ბიუროში თ. ც-შვილსა და 2003 წლის 14 ნოემბერს ს. მ-უელ და კ. დ-სს შორის რეგისტრირებული ქორწინება ¹4528/2003 შეწყდა.

თ. ც-შვილმა შუამდგომლობით მიმართა საქართველოს უზენაეს სასამართლოს ქ.ჰანოვერის პირველი ინსტანციის სასამართლოს 2007 წლის 7 მაისის გადაწყვეტილების საქართველოს ტერიტორიაზე ცნობისა და აღსრულების შესახებ.

საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატის 2008 წლის 4 თებერვლის განჩინებით თ. ც-შვილის შუამდგომლობა გერმანიის ქ.ჰანოვერის პირველი ინსტანციის სასამართლოს 2007 წლის 7 მაისის გადაწყვეტილების საქართველოს ტერიტორიაზე ცნობისა და აღსრულების შესახებ, მიღებულ იქნა წარმოებაში.

ს ა მ ო ტ ი ვ ა ც ი ო ნ ა წ ი ლ ი :

პალატა გაეცნო საქმის მასალებს და თვლის, რომ თ. ც-შვილის შუამდგომლობა უნდა დაკმაყოფილდეს შემდეგ გარემოებათა გამო:

დადგენილია, რომ გერმანიის ქ.ჰანოვერის პირველი ინსტანციის სასამართლოს 2007 წლის 7 მაისის გადაწყვეტილებით დანიაში ქ.ჰადერსლევის მმაჩის ბიუროში თ. ც-შვილსა და 2003 წლის 14 ნოემბერს ს. მ-უელ და კ. დ-სს შორის რეგისტრირებული ქორწინება ¹4528/2003 შეწყდა.

“საერთაშორისო კერძო სამართლის შესახებ” საქართველოს კანონის 68-69-ე მუხლების თანახმად, არსებობს ყველა საფუძველი, რომ საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატამ ცნოს გერმანიის ქ.ჰანოვერის პირველი ინსტანციის სასამართლოს 2007 წლის 7 მაისის გადაწყვეტილება.

ს ა რ ე ზ ო ლ უ ც ი ო ნ ა წ ი ლ ი :

პალატამ იხელმძღვანელა საქართველოს სამოქალაქო საპროცესო კოდექსის 284-ე მუხლით და

დ ა ა დ გ ი ნ ა:

თ. ც-შვილის შუამდგომლობა გერმანიის ქ.ჰანოვერის პირველი ინსტანციის სასამართლოს 2007 წლის 7 მაისის გადაწყვეტილების საქართველოს ტერიტორიაზე ცნობისა და აღსრულების შესახებ დაკმაყოფილდეს.

გერმანიის ქ.ჰანოვერის პირველი ინსტანციის სასამართლოს 2007 წლის 7 მაისის გადაწყვეტილება, რომლითაც დანიაში ქ.ჰადერსლევის მმაჩის ბიუროში თ. ც-შვილსა და 2003 წლის 14 ნოემბერს ს. მ-უელ და კ. დ-სს შორის რეგისტრირებული ქორწინება ¹4528/2003 შეწყდა, ცნობილ იქნეს და დაექვემდებაროს აღსრულებას.

საკასაციო პალატის განჩინება საბოლოოა და არ გასაჩივრდება.