ა-1503-შ-46-09 30 ივლისი, 2009 წ. ქ. თბილისი

სამოქალაქო, სამეწარმეო და გაკოტრების

საქმეთა პალატა

შემადგენლობა:

მაია სულხანიშვილი (თავმჯდომარე)

როზა ნადირიანი (მომხსენებელი), თეიმურაზ თოდრია

საქმის ზეპირი მოსმენის გარეშე განიხილა ე. ლ-ის (ზ-ის) წარმომადგენელ ნ. ძ-ის შუამდგომლობა გერმანიის ჰამბურგ-ბარმბეკის საუბნო სასამართლოს 2008 წლის 14 აგვისტოს გადაწყვეტილების საქართველოს ტერიტორიაზე ცნობისა და აღსრულების შესახებ, ო. პ. ლ-ის მიმართ განქორწინების თაობაზე.

ა ღ წ ე რ ი ლ ო ბ ი თ ი ნ ა წ ი ლ ი :

გერმანიის ჰამბურგ-ბარმბეკის საუბნო სასამართლოს 2008 წლის 14 აგვისტოს გადაწყვეტილებით 2003 წლის 22 აპრილს ქ. თბილისში ე. ზ-სა (ლ-სა) და ო. პ. ლ-ს შორის რეგისტრირებული ქორწინება შეწყდა.

ე. ლ-ის (ზ-ის) წარმომადგენელმა ნ. ზ-მა შუამდგომლობით მიმართა საქართველოს უზენაეს სასამართლოს გერმანიის ჰამბურგ-ბარმბეკის საუბნო სასამართლოს 2008 წლის 14 აგვისტოს გადაწყვეტილების საქართველოს ტერიტორიაზე ცნობისა და აღსრულების შესახებ.

საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატის 2009 წლის 20 ივლისის განჩინებით ე. ლ-ის (ზ-ის) წარმომადგენელ ნ. ზ-ის შუამდგომლობა გერმანიის ჰამბურგ-ბარმბეკის საუბნო სასამართლოს 2008 წლის 14 აგვისტოს გადაწყვეტილების საქართველოს ტერიტორიაზე ცნობისა და აღსრულების შესახებ, მიღებულ იქნა წარმოებაში.

ს ა მ ო ტ ი ვ ა ც ი ო ნ ა წ ი ლ ი :

პალატა გაეცნო საქმის მასალებს და თვლის, ე. ლ-ის (ზ-ის) წარმომადგენელ ნ. ზ-ის შუამდგომლობა უნდა დაკმაყოფილდეს შემდეგ გარემოებათა გამო:

დადგენილია, რომ გერმანიის ჰამბურგ-ბარმბეკის საუბნო სასამართლოს 2008 წლის 14 აგვისტოს გადაწყვეტილებით 2003 წლის 22 აპრილს ქ. თბილისში ე. ზ-სა (ლ-სა) და ო. პ. ლ-ს შორის რეგისტრირებული ქორწინება შეწყდა.

“საერთაშორისო კერძო სამართლის შესახებ” საქართველოს კანონის 68-69-ე მუხლების თანახმად, არსებობს ყველა საფუძველი, რომ საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატამ ცნოს ჰამბურგ-ბარმბეკის საუბნო სასამართლოს 2008 წლის 14 აგვისტოს გადაწყვეტილება.

ს ა რ ე ზ ო ლ უ ც ი ო ნ ა წ ი ლ ი :

პალატამ იხელმძღვანელა საქართველოს სამოქალაქო საპროცესო კოდექსის 284-ე მუხლით და

დ ა ა დ გ ი ნ ა:

ე. ლ-ის (ზ-ის) წარმომადგენელ ნ. ზ-ის შუამდგომლობა გერმანიის ჰამბურგ-ბარმბეკის საუბნო სასამართლოს 2008 წლის 14 აგვისტოს გადაწყვეტილების საქართველოს ტერიტორიაზე ცნობისა და აღსრულების შესახებ დაკმაყოფილდეს.

გერმანიის ჰამბურგ-ბარმბეკის საუბნო სასამართლოს 2008 წლის 14 აგვისტოს გადაწყვეტილება, რომლითაც 2003 წლის 22 აპრილს ქ.თბილისში ე. ზ-სა (ლ-სა) და ო. პ. ლ-ს შორის რეგისტრირებული ქორწინება შეწყდა, ცნობილ იქნეს და დაექვემდებაროს აღსრულებას.

საკასაციო პალატის განჩინება საბოლოოა და არ გასაჩივრდება.