ა-91-შ-13-09 2 მარტი, 2009 წელი

ქ.თბილისი

სამოქალაქო, სამეწარმეო და გაკოტრების

საქმეთა პალატამ

მაია სულხანიშვილი (თავმჯდომარე, მომხსენებელი)

როზა ნადირიანი, თეიმურაზ თოდრია

საქმის ზეპირი განხილვის გარეშე განხილა ლ. ჩ-ის წარმომადგენლის - ნ. ა-ის შუამდგომლობის დასაშვებობის საკითხი ქ.მიუნსტერის პირველი ინსტანციის სასამართლო საოჯახო საქმეთა სასამართლოს 2008 წლის 27 ოქტომბრის გადაწყვეტილების საქართველოს ტერიტორაზე ცნობისა და აღსრულების შესახებ, მ. ბ-ის მიმართ, განქორწინების თაობაზე.

ა ღ წ ე რ ი ლ ო ბ ი თ ი ნ ა წ ი ლ ი :

ქ.მიუნსტერის პირველი ინსტანციის სასამართლო საოჯახო საქმეთა სასამართლოს 2008 წლის 27 ოქტომბრის გადაწყვეტილებით მ. ბ-ის განცხადება ლ. ჩ-ის მიმართ განქორწინების თაობაზე დაკმაყოფილდა.

ლ. ჩ-ის წარმომადგენელმა ნ. ა-მ შუამდგომლობით მომართა საქართველოს უზენაეს სასამართლოს ქ.მიუნსტერის პირველი ინსტანციის სასამართლო საოჯახო საქმეთა სასამართლოს 2008 წლის 27 ოქტომბრის გადწყვეტილების საქართველოს ტერტორიაზე ცნობისა და აღსრულების შესახებ.

ს ა მ ო ტ ი ვ ა ც ი ო ნ ა წ ი ლ ი :

პალატა გაეცნო საქმის მასალებს და თვლის, რომ ლ. ჩ-ის წარმომადგენლის - ნ. ა-ის შუამდგომლობა უნდა დაკმაყოფილდეს შემდეგ გარემოებათა გამო:

დადგენილია, რომ ქ.მიუნსტერის პირველი ინსტანციის სასამართლო საოჯახო საქმეთა სასამართლოს 2008 წლის 27 ოქტომბრის გადაწყვეტილებით მ. ბ-ის განცხადება ლ. ჩ-ის მიმართ განქორწინების თაობაზე დაკმაყოფილდა.

საერთაშორისო კერძო სამართლის შესახებ“ საქართველოს კანონის 68-ე, 69-ე მუხლების თანახმად, არსებობს ყველა საფუძველი, რომ საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატამ ცნოს ქ.მიუნსტერის პირველი ინსტანციის სასამართლო საოჯახო საქმეთა სასამართლოს 2008 წლის 27 ოქტომბრის გადაწყვეტილება.

ს ა რ ე ზ ო ლ უ ც ი ო ნ ა წ ი ლ ი :

პალატამ იხელმძღვანელა „საერთაშორისო კერძო სამართლის შესახებ“ საქართველოს კანონის 68-ე, 69-ე მუხლებით, საქართველოს სამოქალაქო საპროცესო კოდექსის 284-ე მუხლით და

დ ა ა დ გ ი ნ ა :

ლ. ჩ-ის წარმომადგენლის - ნ. ა-ის შუამდგომლობა დაკმაყოფილდეს;

ქ.მიუნსტერის პირველი ინსტანციის სასამართლო საოჯახო საქმეთა სასამართლოს 2008 წლის 27 ოქტომბრის გადაწყვეტილებით მ. ბ-ის განცხადება ლ. ჩ-ის მიმართ, განქორწინების თაობაზე ცნობილ იქნეს საქართველოს ტერიტორიაზე და დაექვემდებაროს აღსრულებას;

საკასაციო სასამართლოს განჩინება საბოლოოა და არ გასაჩივრდება.