ა-1756-შ-39-2010 1 ნოემბერი, 2010წ.

თბილისი

სამოქალაქო საქმეთა პალატა

შემადგენლობა:

მოსამართლე ლ. ლაზარაშვილი

საქმის განხილვის ფორმა _ ზეპირი განხილვის გარეშე

შუამდგომლობის ავტორი _ ე. ი-ნი (წარმომადგენელი ლ. ხ-შვილი)

განხილვის საგანი _ ისრაელის სახელმწიფოს ქ. თელ-ავივის საქალაქო საქმეთა სასამართლოს 2009 წლის 20 დეკემბრის დადგენილების (დამაკმაყოფილებელი ბრძანება) (საქმე ¹ 221808-09) საქართველოს ტერიტორიაზე ცნობისა და აღსრულების შესახებ შუამდგომლობის დასაშვებობა

ა ღ წ ე რ ი ლ ო ბ ი თ ი ნ ა წ ი ლ ი:

საქართველოს უზენაესი სასამართლოს სამოქალაქო საქმეთა პალატის 2010 წლის 2 აგვისტოს განჩინებით ე. ი-ნს დაევალა აღნიშნული განჩინების ჩაბარებიდან 20 დღის ვადაში წარმოედგინა შესაბამისი სახელმწიფოს კომპეტენტური პირის მიერ აპოსტილით აღნიშნული, ქართულ ენაზე თარგმნილი და დამოწმებული ოფიციალური ცნობა, რომელიც დაადასტურებდა ისრაელის სახელმწიფოს ქ. თელ-ავივის საქალაქო საქმეთა სასამართლოს 2009 წლის 20 დეკემბრის დადგენილების (დამაკმაყოფილებელი ბრძანება) (საქმე ¹ 221808-09) კანონიერ ძალაში შესვლას.

ხარვეზის შევსების ვადაში საქართველოს უზენაეს სასამართლოს შუამდგომლობით მომართა ე. ი-ნის წარმომადგენელმა ლ. ხ-შვილმა, რომელმაც ითხოვა ხარვეზის შესავსებად სასამართლოს მიერ განსაზღვრული ვადის 21 დღით გაგრძელება.

საქართველოს უზენაესი სასამართლოს სამოქალაქო საქმეთა პალატის 2010 წლის 17 სექტემბრის განჩინებით ე. ი-ნს გაუგრძელდა შუამდგომლობაზე ხარვეზის შევსების ვადა აღნიშნული განჩინების ასლის ჩაბარებიდან 21 დღით. შუამდგომლობის ავტორს განემარტა, რომ დადგენილ ვადაში ხარვეზის შეუვსებლობის შემთხვევაში შუამდგომლობა დარჩებოდა განუხილველად.

ს ა მ ო ტ ი ვ ა ც ი ო ნ ა წ ი ლ ი:

საკასაციო სასამართლო საქმის მასალების შემოწმების შედეგად მიიჩნევს, რომ შუამდგომლობა განუხილველად უნდა იქნეს დატოვებული, შემდეგ გარემოებათა გამო:

საქართველოს უზენაესი სასამართლოს სამოქალაქო საქმეთა პალატის 2010 წლის 17 სექტემბრის განჩინებით, რომლითაც ე. ი-ნს გაუგრძელდა შუამდგომლობაზე ხარვეზის შევსების ვადა, შუამდგომლობის ავტორს დაევალა შესაბამისი სახელმწიფოს კომპეტენტური პირის მიერ აპოსტილით აღნიშნული, ქართულ ენაზე თარგმნილი და დამოწმებული ოფიციალური ცნობის წარმოდგენა, რომელიც დაადასტურებდა ისრაელის სახელმწიფოს ქ. თელ-ავივის საქალაქო საქმეთა სასამართლოს 2009 წლის 20 დეკემბრის დადგენილების (დამაკმაყოფილებელი ბრძანება) (საქმე ¹ 221808-09) კანონიერ ძალაში შესვლას. ამავე განჩინებით მხარეს განემარტა დადგენილი საპროცესო მოქმედების შეუსრულებლობის შედეგი _ შუამდგომლობის განუხილველად დატოვება.

საქმის მასალების თანახმად, უზენაესი სასამართლოს ზემოაღნიშნული განჩინების ასლი ე. ი-ნის წარმომადგენელ ლ. ხ-შვილს ჩაჰბარდა 2010 წლის 6 ოქტომბერს.

სამოქალაქო საპროცესო კოდექსის 60-61-ე მუხლების შესაბამისად, ხარვეზის შესავსებად დადგენილი საპროცესო მოქმედების შესრულების 21-დღიანი ვადის ათვლა მოცემულ შემთხვევაში დაიწყო 2010 წლის 7 ოქტომბერს და დასრულდა 2010 წლის 27 ოქტომბერს. აღნიშნულ ვადაში შუამდგომლობის ავტორს ხარვეზი არ შეუვსია და არც რაიმე შუამდგომლობით მოუმართავს სასამართლოსთვის.

სამოქალაქო საპროცესო კოდექსის 63-ე მუხლის თანახმად, საპროცესო მოქმედების შესრულების უფლება გაქარწყლდება კანონით დადგენილი ან სასამართლოს მიერ დანიშნული ვადის გასვლის შემდეგ. საჩივარი ან საბუთები, რომლებიც საპროცესო ვადის გასვლის შემდეგ არის შეტანილი, დარჩება განუხილველი.

რამდენადაც ე. ი-ნს უზენაესი სასამართლოს განჩინებით დადგენილი ხარვეზი არ შეუვსია _ არ წარმოუდგენია უცხო ქვეყნის გადაწყვეტილების კანონიერ ძალაში შესვლის შესახებ მტკიცებულება, შუამდგომლობა ისრაელის სახელმწიფოს ქ. თელ-ავივის საქალაქო საქმეთა სასამართლოს 2009 წლის 20 დეკემბრის დადგენილების საქართველოს ტერიტორიაზე ცნობისა და აღსრულების შესახებ განუხილველად უნდა იქნეს დატოვებული.

ს ა რ ე ზ ო ლ უ ც ი ო ნ ა წ ი ლ ი:

საკასაციო სასამართლომ იხელმძღვანელა საქართველოს სამოქალაქო საპროცესო კოდექსის 63-ე, 284-ე მუხლებით, “საერთაშორისო კერძო სამართლის შესახებ” საქართველოს კანონის 68-ე მუხლით და

დ ა ა დ გ ი ნ ა:

1. ე. ი-ნის შუამდგომლობა ისრაელის სახელმწიფოს ქ. თელ-ავივის საქალაქო საქმეთა სასამართლოს 2009 წლის 20 დეკემბრის დადგენილების (საქმე ¹ 221808-09) საქართველოს ტერიტორიაზე ცნობისა და აღსრულების შესახებ დატოვებულ იქნეს განუხილველად;

2. საკასაციო სასამართლოს განჩინება საბოლოოა და არ საჩივრდება.