ა-2426-შ-82-09 8 აპრილი, 2010 წელი
ქ. თბილისი
სამოქალაქო საქმეთა პალატამ
შემადგენლობა:მ. სულხანიშვილი (თავმჯდომარე, მომხსენებელი)
მოსამართლეები:
ლ. ლაზარაშვილი, თ. თოდრია
საქმის ზეპირი განხილვის გარეშე განიხილა პ. ვ-ანის წარმომადგენლის - ვ. ვ-ანის შუამდგომლობა ნიურბერგის პირველი ინსტანციის სასამართლოს 2005 წლის 21 აპრილის გადაწყვეტილების საქართველოს ტერიტორიაზე ცნობისა და აღსრულების შესახებ ტ. ვ-ანის მიმართ განქორწინების თაობაზე.
პ ა ლ ა ტ ა მ გ ა მ ო ა რ კ ვ ი ა :
ნიურბერგის პირველი ინსტანციის სასამართლოს 2005 წლის 21 აპრილის გადაწყვეტილებით ტ. ვ-ანის სასარჩელო განცხადება პ. ვ-ანის მიმართ განქორწინების თაობაზე დაკმაყოფილდა.
პ. ვ-ანის წარმომადგენელმა ვ. ვ-ანმა შუამდგომლობით მომართა საქართველოს უზენაეს სასამართლოს ნიურბერგის პირველი ინსტანციის სასამართლოს 2005 წლის 21 აპრილის გადაწყვეტილების საქართველოს ტერიტორიაზე ცნობისა და აღსრულების შესახებ.
საქართველოს უზენაესი სასამართლოს 2009 წლის 12 ნოემბრის განჩინებით პ. ვ-ანის წარმომადგენლის - ვ. ვ-ანის შუამდგომლობა წარმოებაში იქნა მიღებული.
2010 წლის 26 თებერვალს პ. ვ-ანის წარმომადგენელმა ვ. ვ-ანმა განცხადებით მომართა უზენაეს სასამართლოს და მოითხოვა საქმის წარმოების შეწყვეტა.
საკასაციო სასამართლო საქმის მასალების შესწავლის, პ. ვ-ანის წარმომადგენლის - ვ. ვ-ანის შუამდგომლობის განხილვის შედეგად მიიჩნევს, რომ შუამდგომლობა უნდა დაკმაყოფილდეს და შეწყდეს საქმის წარმოება შემდეგ გარემოებათა გამო:
საქართველოს სამოქალაქო საპროცესო კოდექსის მე-3 მუხლის მე-2 ნაწილის თანახმად, მხარეებს შეუძლიათ საქმის წარმოება მორიგებით დაამთავრონ, მოსარჩელეს შეუძლია უარი თქვას სარჩელზე, ხოლო მოპასუხეს ცნოს სარჩელი. ამავე კოდექსის 399-ე მუხლის თანახმად, საქმის (მოცემულ შემთხვევაში შუამდგომლობის) განხილვა საკასაციო სასამართლოში წარმოებს იმ წესების დაცვით, რომლებიც დადგენილია სააპელაციო სასამართლოში საქმეთა განხილვისათვის, გარდა იმ გამონაკლისებისა, რომელთაც ეს თავი შეიცავს.
სამოქალაქო საპროცესო კოდექსის 372-ე მუხლის თანახმად, საქმის განხილვა სააპელაციო სასამართლოში წარმოებს იმ წესების დაცვით, რაც დადგენილია პირველი ინსტანციით საქმეთა განხილვისათვის, ამ თავში მოცემული ცვლილებებითა და დამატებებით. ამავე კოდექსის 378-ე მუხლის შესაბამისად, სააპელაციო საჩივარზე უარის თქმა დასაშვებია სააპელაციო სასამართლოს გადაწყვეტილების გამოტანამდე. სააპელაციო საჩივარზე უარის თქმის შემთხვევაში მხარეს ერთმევა უფლება, კვლავ გაასაჩივროს სასამართლოს გადაწყვეტილება სააპელაციო წესით. სამოქალაქო საპროცესო კოდექსის 272-ე მუხლის “გ” ქვეპუნქტის თანახმად, სასამართლო მხარეთა განცხადებით ან თავისი ინიციატივით შეწყვეტს საქმის წარმოებას, თუ მოსარჩელემ უარი თქვა სარჩელზე.
ვინაიდან პ. ვ-ანის წარმომადგენელმა ვ. ვ-ანმა უარი განაცხადა შუამდგომლობის განხილვაზე, საკასაციო სასამართლო თვლის, რომ წარმოდგენილ შუამდგომლობაზე წარმოება უნდა შეწყდეს.
s a r e z o l u c i o n a w i l i:
სასამართლომ იხელმძღვანელა სამოქალაქო საპროცესო კოდექსის 272-ე, 399-ე, 372-ე 284-ე, მუხლებით და
დ ა ა დ გ ი ნ ა :
პ. ვ-ანის წარმომადგენლის _ ვ. ვ-ანის განცხადება, ნიურბერგის პირველი ინსტანციის სასამართლოს 2005 წლის 21 აპრილის გადაწყვეტილების საქართველოს ტერიტორიაზე ცნობისა და აღსრულების შესახებ შუამდგომლობაზე უარის თქმის შესახებ დაკმაყოფილდეს;
მოცემულ შუამდგომლობაზე წარმოება შეწყდეს;
საკასაციო სასამართლოს განჩინება საბოლოოა და არ გასაჩივრდება.
