ა-1257-შ-40-04 9 ივლისი, 2004 წ., ქ. თბილისი

საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატა

შემადგენლობა: მ. გოგიშვილი (თავმჯდომარე),

ლ. გოჩელაშვილი,

მ. წიქვაძე

საქმის ზეპირი მოსმენის გარეშე განიხილა ლ. ა-ას შუამდგომლობა უკრაინის სტარგოროდის რაიონული სასამართლოს 2000წ. 5 ოქტომბრის გადაწყვეტილების საქართველოს ტერიტორიაზე ცნობისა და აღსრულების შესახებ დ. ძ-ის მიმართ ალიმენტის დაკისრების თაობაზე.

აღწერილობითი ნაწილი:

ლ. ა-ამ სარჩელი აღძრა სასამართლოში დ. ძ-ის მიმართ ალიმენტის დაკისრების თაობაზე. მოსარჩელემ მიუთითა, რომ მოპასუხესთან იმყოფებოდა რეგისტრირებულ ქორწინებაში და მათ ჰყავთ ქალიშვილი ელენა, დაბადებული 1995წ. 23 ივნისს. მოსარჩელე და მოპასუხე განქორწინდნენ და იმის გამო, რომ დ. ძ-ი არანაირ დახმარებას არ უწევდა ლ. ა-ას, მან მიმართა სასამართლოს და მოითხოვა დ. ძ-ზე ალიმენტის დაკისრება.

უკრაინის სტარგოროდის რაიონული სასამართლოს თავმჯდომარის _ ა. ო-ის ცნობით მოპასუხეს სასამართლო სხდომის დროის შესახებ დროულად ეცნობა. სასამართლო უწყება და სასარჩელო განცხადების ასლი მას ჩაბარდა, მაგრამ დ. ძ-ი პროცესზე არ გამოცხადებულა.

ზემოხსენებული სასამართლოს 2000წ. 5 ოქტომბრის გადაწყვეტილებით დ. ძ-ს დაეკისრა ლ. ა-ას სასარგებლოდ 2000წ. 25 სექტემბრიდან ქალიშვილის (ე., დაბადებული .... ივნისს 19.....წ.) სარჩენად ალიმენტი _ ყველა სახის შემოსავლის 1/4 და მოქალაქეთა შემოსავლების მინიმუმის არანაკლებ 1/2, ქალიშვილის სრულწლოვანებამდე. აღნიშნული გადაწყვეტილება ძალაში შევიდა 2000წ. 5 ოქტომბერს და უკრაინის ტერიტორიაზე არ აღსრულებულა, რადგან დ. ძ-ი თავს არიდებდა ალიმენტის გადახდას და იმყოფებოდა ძებნაში.

ლ. ა-ამ შუამდგომლობით მიმართა საქართველოს უზენაეს სასამართლოს უკრაინის სტარგოროდის რაიონული სასამართლოს 2000წ. 5 ოქტომბრის გადაწყვეტილების საქართველოს ტერიტორიაზე ცნობისა და აღსრულების შესახებ.

საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატის 2004წ. 24 მაისის განჩინებით ლ. ა-ას შუამდგომლობა, უკრაინის სტარგოროდის რაიონული სასამართლოს 2000წ. 5 ოქტომბრის გადაწყვეტილების საქართველოს ტერიტორიაზე ცნობისა და აღსრულების შესახებ, მიღებულ იქნა წარმოებაში.

სამოტივაციო ნაწილი:

პალატა გაეცნო საქმის მასალებს და თვლის, რომ ლ. ა-ას შუამდგომლობა უნდა დაკმაყოფილდეს შემდეგ გარემოებათა გამო:

დადგენილია, რომ უკრაინის სტარგოროდის რაიონული სასამართლოს 2000წ. 5 ოქტომბრის გადაწყვეტილებით დ. ძ-ს დაეკისრა ლ. ა-ას სასარგებლოდ 2000წ. 25 სექტემბრიდან ქალიშვილის (ე., დაბადებული ..... ივნისს 19.....წ.) სარჩენად ალიმენტი _ ყველა სახის შემოსავლის 1/4 და მოქალაქეთა შემოსავლების მინიმუმის არანაკლებ 1/2, ქალიშვილის სრულწლოვანებამდე. აღნიშნული გადაწყვეტილება ძალაში შევიდა 2000წ. 5 ოქტომბერს და უკრაინის ტერიტორიაზე არ აღსრულებულა, რადგან დ. ძ-ი თავს არიდებდა ალიმენტის გადახდას და იმყოფებოდა ძებნაში.

ლ. ა-ამ შუამდგომლობით მიმართა საქართველოს უზენაეს სასამართლოს უკრაინის სტარგოროდის რაიონული სასამართლოს 2000წ. 5 ოქტომბრის გადაწყვეტილების საქართველოს ტერიტორიაზე ცნობისა და აღსრულების შესახებ.

«საერთაშორისო კერძო სამართლის შესახებ» კანონის 68-69-ე მუხლების თანახმად, არსებობს ყველა საფუძველი, რომ საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატამ ცნოს უკრაინის სტარგოროდის რაიონული სასამართლოს 2000წ. 5 ოქტომბრის გადაწყვეტილება.

სარეზოლუციო ნაწილი:

პალატამ იხელმძღვანელა ,,საერთაშორისო კერძო სამართლის შესახებ» კანონის 68-69–ე მუხლებით, სსკ-ის 284-ე მუხლით, «სამოქალაქო, საოჯახო და სისხლის სამართლის საქმეებზე სამართლებრივი დახმარებისა და სამართლებრივ ურთიერთობათა შესახებ» 1993წ. მინსკის კონვენციით და

დ ა ა დ გ ი ნ ა :

ლ. ა-ას შუამდგომლობა უკრაინის სტარგოროდის რაიონული სასამართლოს 2000წ. 5 ოქტომბრის გადაწყვეტილების საქართველოს ტერიტორიაზე ცნობისა და აღსრულების შესახებ დაკმაყოფილდეს.

უკრაინის სტარგოროდის რაიონული სასამართლოს 2000წ. 5 ოქტომბრის გადაწყვეტილება, რომლითაც დ. ძ-ს დაეკისრა ლ. ა-ას სასარგებლოდ 2000წ. 25 სექტემბრიდან ქალიშვილის (ე., დაბადებული ..... ივნისს 19....წ.) სარჩენად ალიმენტი _ ყველა სახის შემოსავლის 1/4 და მოქალაქეთა შემოსავლების მინიმუმის არანაკლებ 1/2, ქალიშვილის სრულწლოვანებამდე. ცნობილ იქნეს და დაექვემდებაროს აღსრულებას.

აღნიშნული გადაწყვეტილების ასლი და სააღსრულებო ფურცელი აღსასრულებლად გადაეგზავნოს საქართველოს იუსტიციის სამინისტროს სააღსრულებო დეპარტამენტს.

საკასაციო პალატის განჩინება საბოლოოა და არ გასაჩივრდება.