საქმე # 340100122006414896

საქართველოს უზენაესი სასამართლო

განაჩენი

საქართველოს სახელით

(სარეზოლუციო ნაწილი)

საქმე №1134აპ-24 ქ. თბილისი

ღ-ე ხ 1134აპ-24 6 თებერვალი, 2025 წელი

საქართველოს უზენაესი სასამართლოს სისხლის სამართლის საქმეთა პალატამ შემდეგი შემადგენლობით:

ლევან თევზაძე (თავმჯდომარე),

მერაბ გაბინაშვილი, მამუკა ვასაძე

ზეპირი მოსმენის გარეშე განიხილა მსჯავრდებულ ხ. ღ-ის ინტერესების დამცველის, ადვოკატ მ. მ-ს საკასაციო საჩივარი თბილისის სააპელაციო სასამართლოს სისხლის სამართლის საქმეთა პალატის 2024 წლის 21 ივნისის განაჩენზე.

ს ა რ ე ზ ო ლ უ ც ი ო ნ ა წ ი ლ ი:

საკასაციო სასამართლომ იხელმძღვანელა საქართველოს სსსკ-ის 301-ე მუხლით, 307-ე მუხლის 1-ლი ნაწილის ,,გ“ ქვეპუნქტით, მე-2, მე-3 ნაწილებით, ,,ამნისტიის შესახებ“ 2024 წლის 17 სექტემბრის საქართველოს კანონით და

დ ა ა დ გ ი ნ ა:

1. მსჯავრდებულ ხ. ღ-ის ინტერესების დამცველის, ადვოკატ მ. მ-ს საკასაციო საჩივარი არ დაკმაყოფილდეს;

2. თბილისის სააპელაციო სასამართლოს სისხლის სამართლის საქმეთა პალატის 2024 წლის 21 ივნისის განაჩენში შევიდეს ცვლილება:

3. ხ. ღ-ე ცნობილ იქნეს დამნაშავედ საქართველოს სსკ-ის 157¹-ე მუხლის 1-ლი ნაწილით, 150-ე მუხლის 1-ლი ნაწილით და სასჯელის სახედ და ზომად განესაზღვროს:

· სსკ-ის 157¹-ე მუხლის 1-ლი ნაწილით - 4 წლით თავისუფლების აღკვეთა;

· სსკ-ის 150-ე მუხლის 1-ლი ნაწილით - 1 წლით თავისუფლების აღკვეთა, რაც ,,ამნისტიის შესახებ“ 2024 წლის 17 სექტემბრის საქართველოს კანონის მე-4 მუხლის 1-ლი პუნქტის საფუძველზე შეუმცირდეს ერთი მეექვსედით და შეეფარდოს 10 თვით თავისუფლების აღკვეთა;

4. საქართველოს სსკ-ის 59-ე მუხლის მე-2 ნაწილის შესაბამისად, უფრო მკაცრმა სასჯელმა შთანთქას ნაკლებად მკაცრი და საბოლოოდ, დანაშაულთა ერთობლიობით, ხ. ღ-ეს სასჯელის ზომად განესაზღვროს 4 წლით თავისუფლების აღკვეთა;

5. ხ. ღ-ეს სასჯელის მოხდის ვადის ათვლა დაეწყოს ფაქტობრივი დაკავების მომენტიდან - 2024 წლის 26 იანვრიდან. მასვე სასჯელის მოხდის ვადაში ჩაეთვალოს პატიმრობაში ყოფნის დრო - 2022 წლის 16 აგვისტოდან იმავე წლის 22 აგვისტოს ჩათვლით;

6. ცნობად იქნეს მიღებული, რომ ხ. ღ-ის მიმართ შეფარდებული აღკვეთის ღონისძიება - გირაო გაუქმებულია. განაჩენის კანონიერ ძალაში შესვლიდან 1 თვის ვადაში გირაოს შემტანს - ი. ღ-ეს (პირადი №--) დაუბრუნდეს მის მიერ ხ. ღ-ის გირაოს უზრუნველსაყოფად შეტანილი ფულადი თანხა - 10000 ლარი;

7. ნივთიერი მტკიცებულებები:

· ხ. ღ-ის კუთვნილი „ჰუავეის“ ფირმის მობილური ტელეფონიდან გამოთხოვილი ინფორმაცია, ჩაწერილი 1 ცალ CD დისკზე და შპს „მ--ნ“ გამოთხოვილი 04.11.2022 წლის ინფორმაცია, ჩაწერილი CD დისკზე, რომელიც ერთვის საქმეს შენახულ იქნეს სისხლის სამართლის საქმის შენახვის ვადით; ხ. ღ-ის კუთვნილი მობილური ტელეფონი დაუბრუნდეს მესაკუთრეს;

· ცნობად იქნეს მიღებული, რომ დ. მ-ს კუთვნილი ტელეფონი, თ. ლ--ს კუთვნილი ტელეფონი და კომპიუტერი, მ. ჩ-ს კუთვნილი ტელეფონი და კომპიუტერი, ხელწერილით ჩაბარებული აქვთ მესაკუთრეებს;

8. განაჩენი სასამართლოს ვებგვერდზე გამოქვეყნდეს საქართველოს სსსკ-ის 182-ე მუხლის მე-3 ნაწილისა და ,,საერთო სასამართლოების შესახებ“ საქართველოს კანონის მე-13 მუხლის მე-3¹ ნაწილის მოთხოვნათა დაცვით;

9. განაჩენი საბოლოოა და არ გასაჩივრდება.

თავმჯდომარე ლ. თევზაძე

მოსამართლეები: მ. გაბინაშვილი

მ. ვასაძე