¹ა-2932-შ-43-2011 2 დეკემბერი, 2011 წელი

ქ. თბილისი

სამოქალაქო საქმეთა პალატა

შემადგენლობა:

მაია სულხანიშვილი (თავმჯდომარე, მომხსენებელი)

ვასილ როინიშვილი, თეიმურაზ თოდრია

საქმის ზეპირი განხილვის გარეშე განიხილა ნ. რ-ის წარმომადგენლის გ. გ-ის შუამდგომლობის დასაშვებობის საკითხი გერმანიის დუისბურგის პირველი ინსტანციის სასამართლოს 2009 წლის 3 სექტემბრის გადაწყვეტილების საქართველოს ტერიტორიაზე ცნობის შესახებ მარკ ბერნდ რ-ის მიმართ განქორწინების თაობაზე.

ა ღ წ ე რ ი ლ ო ბ ი თ ი ნ ა წ ი ლ ი:

გერმანიის დუისბურგის პირველი ინსტანციის სასამართლოს 2009 წლის 3 სექტემბრის გადაწყვეტილებით დუისბურგ-მიტეს მმაჩის ბიუროს მიერ 2009 წლის 4 აგვისტოს (ქორწინების სარეგისტრაციო ნომერი ...) რეგისტრირებული წყვილის ქორწინება გაუქმდა.

ნ. რ-ის წარმომადგენელმა გ. გ-მა შუამდგომლობით მომართა საქართველოს უზენაეს სასამართლოს გერმანიის დუისბურგის პირველი ინსტანციის სასამართლოს 2009 წლის 3 სექტემბრის გადაწყვეტილების საქართველოს ტერიტორიაზე ცნობის შესახებ.

საქართველოს უზენაესი სასამართლოს სამოქალაქო საქმეთა პალატის 2011 წლის 14 სექტემბრის განჩინებით ნ. რ-ის წარმომადგენლის გ. გ-ის შუამდგომლობა გერმანიის დუისბურგის პირველი ინსტანციის სასამართლოს 2009 წლის 3 სექტემბრის გადაწყვეტილების საქართველოს ტერიტორიაზე ცნობის შესახებ მიღებულ იქნა წარმოებაში.

ს ა მ ო ტ ი ვ ა ც ი ო ნ ა წ ი ლ ი:

პალატა გაეცნო საქმის მასალებს და თვლის, რომ ნ. რ-ის წარმომადგენლის გ. გ-ის შუამდგომლობა უნდა დაკმაყოფილდეს შემდეგ გარემოებათა გამო:

დადგენილია, რომ გერმანიის დუისბურგის პირველი ინსტანციის სასამართლოს 2009 წლის 3 სექტემბრის გადაწყვეტილებით გაუქმდა დუისბურგ-მიტეს მმაჩის ბიუროს მიერ 2009 წლის 4 აგვისტოს (ქორწინების სარეგისტრაციო ნომერი ...) რეგისტრირებული წყვილის ქორწინება.

საერთაშორისო კერძო სამართლის შესახებ» საქართველოს კანონის 68-ე, 69-ე მუხლების თანახმად, არსებობს ყველა საფუძველი, რომ საქართველოს უზენაესი სასამართლოს სამოქალაქო საქმეთა პალატამ ცნოს გერმანიის დუისბურგის პირველი ინსტანციის სასამართლოს 2009 წლის 3 სექტემბრის გადაწყვეტილება.

ს ა რ ე ზ ო ლ უ ც ი ო ნ ა წ ი ლ ი:

პალატამ იხელმძღვანელა ,,საერთაშორისო კერძო სამართლის შესახებ» საქართველოს კანონის 68-ე, 69-ე მუხლებით, საქართველოს სამოქალაქო საპროცესო კოდექსის 285-ე მუხლით და

დ ა ა დ გ ი ნ ა:

ნ. რ-ის წარმომადგენლის გ. გ-ის შუამდგომლობა დაკმაყოფილდეს:

ცნობილ იქნეს საქართველოს ტერიტორიაზე გერმანიის დუისბურგის პირველი ინსტანციის სასამართლოს 2009 წლის 3 სექტემბრის გადაწყვეტილება, რომლითაც გაუქმდა დუისბურგ-მიტეს მმაჩის ბიუროს მიერ 2009 წლის 4 აგვისტოს (ქორწინების სარეგისტრაციო ნომერი ...) რეგისტრირებული წყვილის ქორწინება.

საკასაციო სასამართლოს განჩინება საბოლოოა და არ გასაჩივრდება.