№ას-108-104-2012 16 მარტი, 2012 წელი

ქ. თბილისი

სამოქალაქო საქმეთა პალატა

მოსამართლე – მაია სულხანიშვილი

საქმის ზეპირი განხილვის გარეშე განიხილა დ. ც-ას, გ. ც-ას, ო. ც-ას, მ. ჯ-ას, ე. ტ-ის, ა. ტ-ის, ლ. მ-ას, ლ. მ-ის, ჯ. გ-ას, თ. გ-ას, გ. გ-ას, მ. ლ-ას, ა. ჯ-ის, ე. რ-ას, თ. ს-ის, ს. ს-ის, თ. გ-ას, ე. გ-ის, გ. წ-ის, ფ. გა-ის, ლ. ჯ-ის, ჟ. თ-ას, მ. თ-ას, ს. თ-ას, ა. თ-ას, მ. გა-ის, ე. ხ-ის, ნ. ქ-ის, ვ. ქ-ის და თ. ქ-ის საკასაციო საჩივრის დასაშვებობის საკითხი თბილისის სააპელაციო სასამართლოს სამოქალაქო საქმეთა პალატის 2011 წლის 13 დეკემბრის განჩინებაზე, საქმეზე – ამხანაგობა „გ-ის“ სარჩელის გამო მოპასუხეები დ. ც-ას, გ. ც-ას, ო. ც-ას, მ. ჯ-ას, ე. ტ-ის, ა. ტ-ის, ლ. მ-ას, ლ. მ-ის, ჯ. გ-ას, თ. გ-ას, გ. გ-ას, მ. ლ-ას, ა. ჯ-ის, ე. რ-ას, თ. ს-ის, ს. ს-ის, თ. გ-ას, ე. გ-ის, გ. წ-ის, ფ. გა-ის, ლ. ჯ-ის, ჟ. თ-ას, მ. თ-ას, ს. თ-ას, ა. თ-ას, მ. გა-ის, ე. ხ-ის, ნ. ქ-ის, ვ. ქ-ის და თ. ქ-ის და მესამე პირი – საქართველოს ლტოლვილთა და განსახლების სამინისტროს მიმართ უძრავი ნივთის უკანონო მფლობელობიდან გამოთხოვა.

პ ა ლ ა ტ ა მ გ ა მ ო ა რ კ ვ ი ა:

საკასაციო პალატა საქმის ზეპირი განხილვის გარეშე გაეცნო საქმის მასალებს და მიაჩნია, რომ დ. ც-ას, გ. ც-ას, ო. ც-ას, მ. ჯ-ას, ე. ტ-ის, ა. ტ-ის, ლ. მ-ას, ლ. მ-ის, ჯ. გ-ას, თ. გ-ას, გ. გ-ას, მ. ლ-ას, ა. ჯ-ის, ე. რ-ას, თ. ს-ის, ს. ს-ის, თ. გ-ას, ე. გ-ის, გ. წ-ის, ფ. გა-ის, ლ. ჯ-ის, ჟ. თ-ას, მ. თ-ას, ს. თ-ას, ა. თ-ას, მ. გა-ის, ე. ხ-ის, ნ. ქ-ის, ვ. ქ-ის და თ. ქ-ის საკასაციო საჩივარი განუხილველად უნდა დარჩეს შემდეგ გარემოებათა გამო:

საქართველოს სამოქალაქო საპროცესო კოდექსის 396-ე მუხლის მე-3 ნაწილის თანახმად, თუ საკასაციო საჩივარი არ უპასუხებს აქ ჩამოთვლილ მოთხოვნებს ან სახელმწიფო ბაჟი არ არის გადახდილი, სასამართლო ავალებს საჩივრის შემტან პირს, შეავსოს ხარვეზი, რისთვისაც უნიშნავს მას ვადას. თუ ამ ვადაში ხარვეზი არ იქნება შევსებული ან საკასაციო საჩივარი არ არის შეტანილი კანონით დადგენილ ვადაში, საკასაციო საჩივარი განუხილველი დარჩება.

მოცემულ შემთხვევაში საქართველოს უზენაესი სასამართლოს სამოქალაქო საქმეთა პალატის 2012 წლის 3 თებერვლის განჩინებით კასატორებსს განესაზღვრა 5 დღიანი ვადა სახელმწიფო ბაჟის – 300 ლარის გადახდის დამადასტურებელი ქვითრის წარმოსადგენად.

სამოქალაქო საპროცესო კოდექსის 74-ე მუხლის პირველი ნაწილის თანახმად, თუ სასამართლო უწყების ჩამბარებელმა სასამართლოში გამოსაძახებელი პირი ვერ ნახა მხარის მიერ მითითებულ მისამართზე, იგი უწყებას აბარებს მასთან მცხოვრებ ოჯახის რომელიმე ქმედუნარიან წევრს, ხოლო თუ უწყება ბარდება სამუშაო ადგილის მიხედვით – სამუშაო ადგილის ადმინისტრაციას, ამ კოდექსის 73-ე მუხლის მე-8 ნაწილით დადგენილი წესით, გარდა იმ შეთხვევებისა, როცა ისინი განსახილველ საქმეში მონაწილეობენ, როგორც მოწინააღმდეგე მხარეები. უწყების მიმღები ვალდებულია უწყების მეორე ეგზემპლარზე აღნიშნოს თავისი სახელი და გვარი, ადრესატთან დამოკიდებულება და დაკავებული თანამდებობა. უწყების მიმღები ასევე ვალდებულია უწყება დაუყოვნებლივ ჩააბაროს ადრესატს. უწყების ამ ნაწილით გათვალისწინებული პირისათვის ჩაბარება ჩაითვლება უწყების ადრესატისათვის ჩაბარებად, რაც დასტურდება უწყების მეორე ეგზემპლარზე უწყების მიმღების ხელმოწერით.

საქმის მასალებიდან ირკვევა, რომ აღნიშნული განჩინების ასლი მ. ჯ-ას, თ. ს-ეს და დ. ც-ას გაეგზავნა კანონით დადგენილი წესით და ჩაბარდა 2012 წლის 29 თებერვალს მ. ჯ-ას და დ. ც-ას ბიძას გ. თ-ას და ამავე წლის 1 მარტს თ. ს-ეს, შესაბამისად, ხარვეზის შესავსებად განსაზღვრული ვადა ამოიწურა 2012 წლის 5 მარტს, მაგრამ აღნიშნულ ვადაში კასატორების მიერ ხარვეზი არ იქნა შევსებული.

ყოველივე ზემოაღნიშნულიდან გამომდინარე, პალატა თვლის, რომ სამოქალაქო საპროცესო კოდექსის 396-ე მუხლის მესამე ნაწილის ბოლო წინადადების თანახმად, საკასაციო საჩივარი დაუშვებელია და უნდა დარჩეს განუხილველი.

პალატამ იხელმძღვანელა სამოქალაქო საპროცესო კოდექსის 285-ე მუხლით, 396-ე მუხლის მე-3 ნაწილით და

დ ა ა დ გ ი ნ ა:

1. დ. ც-ას, გ. ც-ას, ო. ც-ას, მ. ჯ-ას, ე. ტ-ის, ა. ტ-ის, ლ. მ-ას, ლ. მ-ის, ჯ. გ-ას, თ. გ-ას, გ. გ-ას, მ. ლ-ას, ა. ჯ-ის, ე. რ-ას, თ. ს-ის, ს. ს-ის, თ. გ-ას, ე. გ-ის, გ. წ-ის, ფ. გა-ის, ლ. ჯ-ის, ჟ. თ-ას, მ. თ-ას, ს. თ-ას, ა. თ-ას, მ. გა-ის, ე. ხ-ის, ნ. ქ-ის, ვ. ქ-ის და თ. ქ-ის საკასაციო საჩივარი, როგორც დაუშვებელი, დარჩეს განუხილველად.

2. განჩინება საბოლოოა და არ გასაჩივრდება.