საქართველოს უზენაესი სასამართლო
განჩინება
საქართველოს სახელით
№ას-651-617-2015 21 ივლისი , 2015 წელი,
თბილისი
სამოქალაქო საქმეთა პალატა
მოსამართლე: მზია თოდუა
სამოქალაქო საქმეთა პალატამ საქმის ზეპირი მოსმენის გარეშე განიხილა მ--ა თ--ას საკასაციო საჩივარის წარმოებაში მიღების საკითხი თბილისის სააპელაციო სასამართლოს სამოქალაქო საქმეთა პალატის 2015 წლის 17 აპრილის განჩინებაზე, საქმეზე გ--ი გ--ის, თ--რ ნ--ის, ს--ე დ--ავსა, ნ--ა კ--ს, თ--ნ მ--ს, ნ--ი დ--ის, ც--ა კ--ს, ხ--ა ბ--ის სარჩელთან დაკავშირებით მოპასუხე მ--ა თ--ს მიმართ საცხოვრებელი უკანონო მფლობელობიდან ნივთის გამოთხოვის თაობაზე
პალატამ გამოარკვია:
სამოქალაქო საქმეთა პალატა გაეცნო საკასაციო საჩივარს, საქმის მასალებს და მიაჩნია, რომ წარმოდგენილი საკასაციო საჩივარი წარმოებაში არ უნდა იქნას მიღებული შემდეგ გარემოებათა გამო:
საქართველოს სამოქალაქო საპროცესო კოდექსის (შემდგომში სსსკ)401-ე მუხლის თანახმად, საკასაციო საჩივრის შემოსვლიდან 10 დღის ვადაში მომხსენებელმა მოსამართლემ უნდა შეამოწმოს, შეტანილია თუ არა საკასაციო საჩივარი ამ კოდექსის 396-ე მუხლის მოთხოვნათა დაცვით. თუ საკასაციო საჩივარი აკმაყოფილებს აღნიშნული მუხლის მოთხოვნებს, იგი წარმოებაში მიიღება ამ კოდექსის 391-ე მუხლის საფუძველზე დასაშვებობის შესამოწმებლად.
უზენაესი სასამართლოს 2015 წლის 25 ივნისის განჩინებით საკასაციო საჩივარზე დადგენილ იქნა ხარვეზი და კასატორს დაევალა განჩინების ჩაბარებიდან 5 დღის ვადაში წაერმოედგინა სახელმწიფო ბაჟის - 100 ლარის გადახდის დამადასტურებელი დოკუმენტი. განჩინების თაობაზე იმავე წლის 26 ივნისს სატელეფონო შეტყობინებით ეცნობა კასატორის მეუღლეს - მ--ა ხ--ს.
სსსკ-ის 59-ე მუხლის შესაბამისად საპროცესო მოქმედება სრულდება კანონით ან სასამართლოს მიერ დადგენილ ვადაში. სსსკ-ის მე-60, 61-ე მუხლების შესაბამისად, უზენაესი სასამართლოს 2015 წლის 25 ივნისის განჩინებით დადგენილი საპროცესო ვადის ათვლა დაიწყო 2015 წლის 27 ივნისს და დასრულდა იმავე წლის 1 ივლისს 2400 საათზე. აღნიშნულ საპროცესო ვადაში კასატორს ხარვეზი არ შეუვსია და არც საპროცესო ვადის გაგრძელების თხოვნით მოუმართავს.
ამავე კოდექსის 63-ე მუხლის თანახმად, საპროცესო მოქმედების შესრულების უფლება გაქარწყლდება კანონით დადგენილი ან სასამართლოს მიერ დანიშნული ვადის გასვლის შემდეგ. საჩივარი ან საბუთები, რომლებიც შეტანილია საპროცესო ვადის გასვლის შემდეგ, განუხილველი დარჩება.
ზემოაღნიშნული ნორმებიდან გამომდინარეობს, რომ მხარე ვალდებულია კანონით დადგენილ ვადაში შეასრულოს შესაბამისი საპროცესო მოქმედება, წინააღმდეგ შემთხვევაში იგი კარგავს ამ საპროცესო მოქმედების შესრულების უფლებას.
მოცემულ შემთხვევაში, მ--ა თ--ამ დაკარგა საპროცესო მოქმედების შესრულების უფლება, ვინაიდან სასამართლოს მიერ დადგენილ საპროცესო ვადაში არ შეავსო ხარვეზი, რაც საკასაციო საჩივრის განუხილველად დატოვების საფუძველია
ს ა რ ე ზ ო ლ უ ც ი ო ნ ა წ ი ლ ი :
საკასაციო სასამართლომ იხელმძღვანელა საქართველოს სამოქალაქო საპროცესო კოდექსის 63-ე, 284-ე, 401-ე მუხლებით და
დ ა ა დ გ ი ნ ა :
1. მ--ა თ--ას საკასაციო საჩივარი დარჩეს განუხილველი;
2. კასატორს მ--ს თ--ს დაუბრუნდეს მ--ა ხ--ის მიერ (პირადი #--) გადახდილი სახელმწიფო ბაჟი 200 ლარი (საგადასახდო დავალება #1, გადახდის თარიღი 08.06.2015, სს ბანკი ,,რესპუბლიკა“) შემდეგი ანგარიშიდან: ქ. თბილისი, „სახელმწიფო ხაზინა“ ბანკის კოდი TRESGE22, მიმღების ანგარიშის №200122900, სახაზინო კოდი 3 0077 3150.
3 . საკასაციო სასამართლოს განჩინება საბოლოოა და არ გასაჩივრდება.
მოსამართლე: მზია თოდუა
