საქმე №ა-4314-შ-128-2019 27 დეკემბერი, 2019 წელი

ქ.თბილისი

სამოქალაქო საქმეთა პალატა

შემადგენლობა:

ბესარიონ ალავიძე (თავმჯდომარე, მომხსენებელი)

მოსამართლეები:

ეკატერინე გასიტაშვილი, ზურაბ ძლიერიშვილი

საქმის განხილვის ფორმა – ზეპირი განხილვის გარეშე

შუამდგომლობის ავტორი – გ.ხ–ი

მოწინააღმდეგე მხარე – ნ.ჩ–ი

გადაწყვეტილება, რომლის საქართველოს ტერიტორიაზე ცნობასაც მხარე მოითხოვს – კანის დიდი ინსტანციის სასამართლოს 2019 წლის 31 იანვრის გადაწყვეტილება

დავის საგანი – განქორწინება

ა ღ წ ე რ ი ლ ო ბ ი თ ი ნ ა წ ი ლ ი:

1. კანის დიდი ინსტანციის სასამართლოს 2019 წლის 31 იანვრის გადაწყვეტილებით ნ.ჩ–სა (მეუღლის გვარი _ ხ–ი) და გ.ხ–ს შორის შეწყდა საქართველოში, ქ.მცხეთის სამოქალაქო მდგომარეობის ოფიცრის წინაშე 1993 წლის 24 აპრილს რეგისტრირებული ქორწინება, ამავე გადაწყვეტილებით განისაზღვრა მეუღლეთა ფულადი და მემკვიდრეობითი ინტერესები, ბავშვებთან ურთიერთობის საკითხები და სხვა.

2. საქართველოს უზენაეს სასამართლოს შუამდგომლობით მომართა გ.ხ–მა და მოითხოვა განქორწინების ნაწილში ზემოხსენებული გადაწყვეტილების საქართველოს ტერიტორიაზე ცნობა.

3. შუამდგომლობის ავტორის მიერ წარმოდგენილი აპოსტილით დამოწმებული გადაწყვეტილების, ასევე, მისი სანოტარო წესით დამოწმებული ქართულენოვანი თარგმანის შესწავლით ირკვევა შემდეგი:

ა) საქმე განხილულ იქნა ზეპირი მოსმენით და მხარეები ინფორმირებული იყვნენ საქმის განხილვის თაობაზე (გ.ხ–ი წარმოადგენს მოპასუხე მხარეს, რომელსაც საკუთარი საპროცესო უფლებების დარღვევის ფაქტი სადავო არ გაუხდია);

ბ) წარმოდგენილი გადაწყვეტილება შესულია კანონიერ ძალაში (მასზე გაცემულია სააღსრულებო ფურცელი);

გ) შუამდგომლობის ავტორის პასპორტის ასლის თანახმად, გ.ხ–ი საქართველოს მოქალაქეა, ამასთანავე, უცხო ქვეყნის გადაწყვეტილებით ირკვევა, რომ ქორწინება რეგისტრირებულია საქართველოში.

4. საქართველოს უზენაესი სასამართლოს სამოქალაქო საქმეთა პალატის 2019 წლის 4 ოქტომბრის განჩინებით გ.ხ–ის შუამდგომლობა მიღებულ იქნა განსახილველად.

ს ა მ ო ტ ი ვ ა ც ი ო ნ ა წ ი ლ ი:

საკასაციო სასამართლო გაეცნო საქმის მასალებს და მიიჩნევს, რომ გ.ხ–ის შუამდგომლობა განქორწინების ნაწილში კანის დიდი ინსტანციის სასამართლოს 2019 წლის 31 იანვრის გადაწყვეტილების საქართველოს ტერიტორიაზე ცნობის შესახებ, უნდა დაკმაყოფილდეს შემდეგ გარემოებათა გამო:

1. კანის დიდი ინსტანციის სასამართლოს 2019 წლის 31 იანვრის გადაწყვეტილებით ნ.ჩ–სა (მეუღლის გვარი _ ხ–ი) და გ.ხ–ს შორის შეწყდა საქართველოში, ქ.მცხეთის სამოქალაქო მდგომარეობის ოფიცრის წინაშე 1993 წლის 24 აპრილს რეგისტრირებული ქორწინება, ამავე გადაწყვეტილებით განისაზღვრა მეუღლეთა ფულადი და მემკვიდრეობითი ინტერესები, ბავშვებთან ურთიერთობის საკითხები და სხვა.

2. საქართველოს უზენაეს სასამართლოს შუამდგომლობით მომართა გ.ხ–მა და მოითხოვა განქორწინების ნაწილში ზემოხსენებული გადაწყვეტილების საქართველოს ტერიტორიაზე ცნობა.

3. შუამდგომლობის ავტორის მიერ წარმოდგენილი აპოსტილით დამოწმებული გადაწყვეტილების, ასევე, მისი სანოტარო წესით დამოწმებული ქართულენოვანი თარგმანის შესწავლით ირკვევა შემდეგი:

ა) საქმე განხილულ იქნა ზეპირი მოსმენით და მხარეები ინფორმირებული იყვნენ საქმის განხილვის თაობაზე (გ.ხ–ი წარმოადგენს მოპასუხე მხარეს, რომელსაც საკუთარი საპროცესო უფლებების დარღვევის ფაქტი სადავო არ გაუხდია);

ბ) წარმოდგენილი გადაწყვეტილება შესულია კანონიერ ძალაში (მასზე გაცემულია სააღსრულებო ფურცელი);

გ) შუამდგომლობის ავტორის პასპორტის ასლის თანახმად, გ.ხ–ი საქართველოს მოქალაქეა, ამასთანავე, უცხო ქვეყნის გადაწყვეტილებით ირკვევა, რომ ქორწინება რეგისტრირებულია საქართველოში.

4. საკასაციო პალატა მიუთითებს „საერთაშორისო კერძო სამართლის შესახებ“ საქართველოს კანონის 68-ე მუხლის პირველ პუნქტზე, რომლის თანახმადაც, საქართველო ცნობს უცხო ქვეყნის კანონიერ ძალაში შესულ სასამართლო გადაწყვეტილებებს. ამავე მუხლის მე-5 პუნქტით კი, დადგენილია, რომ უცხო ქვეყნის სასამართლო გადაწყვეტილების ცნობის საკითხს იხილავს საქართველოს უზენაესი სასამართლო, ხოლო ნორმის მე-2 პუნქტით კანონმდებელმა განსაზღვრა ის წინაპირობები, რომლებსაც უნდა აკმაყოფილებდეს შუამდგომლობაში მითითებული გადაწყვეტილება მისი საქართველოს ტერიტორიაზე ცნობის მიზნით, წინააღმდეგ შემთხვევაში, მხარეს უარი ეთქმება მის დაკმაყოფილებაზე. ამდენად, უცხო ქვეყნის გადაწყვეტილების საქართველოს ტერიტორიაზე ცნობა არ ხდება, თუ: ა) საქმე საქართველოს განსაკუთრებულ კომპეტენციას განეკუთვნება; ბ) გადაწყვეტილების გამომტანი ქვეყნის კანონმდებლობის შესაბამისად, მხარე უწყების ჩაბარების გზით არ იქნა გაფრთხილებული სასამართლოში გამოძახების თაობაზე ან მოხდა სხვა საპროცესო დარღვევები; გ) ერთსა და იმავე მხარეებს შორის ერთსა და იმავე სამართლებრივ დავაზე არსებობს საქართველოს სასამართლოს კანონიერ ძალაში შესული გადაწყვეტილება ან მესამე ქვეყნის სასამართლოს კანონიერ ძალაში შესული გადაწყვეტილება, რომელიც ცნობილ იქნა საქართველოში; დ) უცხო ქვეყნის სასამართლო, რომელმაც გამოიტანა გადაწყვეტილება, საქართველოს კანონმდებლობის შესაბამისად, კომპეტენტურად არ მიიჩნევა; ე) უცხო ქვეყანა არ ცნობს საქართველოს სასამართლო გადაწყვეტილებებს; ვ) ერთსა და იმავე მხარეებს შორის ერთსა და იმავე საკითხზე და ერთი და იმავე საფუძვლით საქართველოში მიმდინარეობს სასამართლო პროცესი; ზ) გადაწყვეტილება ეწინააღმდეგება საქართველოს ძირითად სამართლებრივ პრინციპებს.

5. „საერთაშორისო კერძო სამართლის შესახებ“ საქართველოს კანონის 68-ე მუხლის მე-3 და მე-4 პუნქტებით დადგენილია გარკვეული შეზღუდვა, თუმცა საკასაციო სასამართლოს საქმის მასალების შესწავლის შედეგად მიაჩნია, რომ, მოცემულ შემთხვევაში, ზემოხსენებულ ნორმაში მითითებული დამაბრკოლებელი გარემოებები არ არსებობს, შესაბამისად, საქართველოს უზენაესი სასამართლოს სამოქალაქო საქმეთა პალატის მიერ უნდა იქნეს ცნობილი საქართველოს ტერიტორიაზე კანის დიდი ინსტანციის სასამართლოს 2019 წლის 31 იანვრის გადაწყვეტილება იმ ნაწილში, რომლითაც ნ.ჩ–სა (მეუღლის გვარი _ ხ–ი) და გ.ხ–ს შორის შეწყდა საქართველოში, ქ.მცხეთის სამოქალაქო მდგომარეობის ოფიცრის წინაშე 1993 წლის 24 აპრილს რეგისტრირებული ქორწინება.

ს ა რ ე ზ ო ლ უ ც ი ო ნ ა წ ი ლ ი:

საკასაციო პალატამ იხელმძღვანელა „საერთაშორისო კერძო სამართლის შესახებ“ საქართველოს კანონის 68-ე მუხლით და

დ ა ა დ გ ი ნ ა:

1. გ.ხ–ის შუამდგომლობა განქორწინების ნაწილში კანის დიდი ინსტანციის სასამართლოს 2019 წლის 31 იანვრის გადაწყვეტილების საქართველოს ტერიტორიაზე ცნობის შესახებ დაკმაყოფილდეს.

2. ცნობილ იქნას საქართველოს ტერიტორიაზე კანის დიდი ინსტანციის სასამართლოს 2019 წლის 31 იანვრის გადაწყვეტილება იმ ნაწილში, რომლითაც ნ.ჩ–სა (მეუღლის გვარი _ ხ–ი) და გ.ხ–ს შორის შეწყდა საქართველოში, ქ.მცხეთის სამოქალაქო მდგომარეობის ოფიცრის წინაშე 1993 წლის 24 აპრილს რეგისტრირებული ქორწინება.

3. საკასაციო პალატის განჩინება საბოლოოა და არ გასაჩივრდება.

თავმჯდომარე ბ. ალავიძე

მოსამართლეები: ე. გასიტაშვილი

ზ. ძლიერიშვილი