საქმე №ა-473-შ-9-2021

24 თებერვალი, 2021 წელი თბილისი

სამოქალაქო საქმეთა პალატა

შემადგენლობა:

ვლადიმერ კაკაბაძე (თავმჯდომარე, მომხსენებელი),

ლევან მიქაბერიძე, მირანდა ერემაძე

საქმის განხილვის ფორმა – ზეპირი განხილვის გარეშე

შუამდგომლობის ავტორი – ლ.ც–ა

განხილვის საგანი – გერმანიის ფედერაციული რესპუბლიკის ჰამბურგ-ალტონას ადგილობრივი სასამართლოს საოჯახო სასამართლოს 2020 წლის 17 აგვისტოს NA2.4354 F 109/20 გადაწყვეტილების საქართველოს ტერიტორიაზე ცნობა

დავის საგანი – განქორწინება

აღწერილობითი ნაწილი:

გერმანიის ფედერაციული რესპუბლიკის ჰამბურგ-ალტონას ადგილობრივი სასამართლოს საოჯახო სასამართლოს 2020 წლის 17 აგვისტოს NA2.4354 F 109/20 გადაწყვეტილებით მოსარჩელე ო.ვ–სა (დაბადებული 30.06.1977, გერმანიის მოქალაქე, ვ. 63C, 22523, ჰამბურგი) და მოპასუხე ლ.ც–ას (დაბადებული 10.08.1987. საქართველოს მოქალაქე) შორის შეწყდა საქართველში, თბილისში, 2018 წლის 25 ოქტომებრს რეგისტრირებული N:01183007344 ქორწინება. აღნიშნული გადაწყვეტილება კანონიერ ძალაში შევიდა 2020 წლის 17 აგვისტოდან.

ლ.ც–ამ შუამდგომლობით მომართა საქართველოს უზენაეს სასამართლოს და მოითხოვა გერმანიის ფედერაციული რესპუბლიკის ჰამბურგ-ალტონას ადგილობრივი სასამართლოს საოჯახო სასამართლოს 2020 წლის 17 აგვისტოს NA2.4354 F 109/20 გადაწყვეტილების საქართველოს ტერიტორიაზე ცნობა

საქართველოს უზენაესი სასამართლოს სამოქალაქო საქმეთა პალატის 2021 წლის 16 თებერვლის განჩინებით შუამდგომლობა მიღებულ იქნა განსახილველად.

სამოტივაციო ნაწილი:

საკასაციო სასამართლო გაეცნო საქმის მასალებს და მიიჩნევს, რომ შუამდგომლობა უნდა დაკმაყოფილდეს, შემდეგ გარემოებათა გამო:

ლ.ც–ამ შუამდგომლობით მომართა საქართველოს უზენაეს სასამართლოს და მოითხოვა გერმანიის ფედერაციული რესპუბლიკის ჰამბურგ-ალტონას ადგილობრივი სასამართლოს საოჯახო სასამართლოს 2020 წლის 17 აგვისტოს NA2.4354 F 109/20 გადაწყვეტილების საქართველოს ტერიტორიაზე ცნობა.

შუამდგომლობის ავტორის მიერ წარმოდგენილი აპოსტილით დამოწმებული სასამართლო გადაწყვეტილების შესწავლით ირკვევა, რომ სასამართლოს განქორწინების მოთხოვნით მიმართა მოსარჩელე ო.ვ–მა.

გერმანიის ფედერაციული რესპუბლიკის ჰამბურგ-ალტონას ადგილობრივი სასამართლოს საოჯახო სასამართლოს 2020 წლის 17 აგვისტოს NA2.4354 F 109/20 გადაწყვეტილებით მოსარჩელე ო.ვ–სა (დაბადებული 30.06.1977, გერმანიის მოქალაქე, ვ. 63C, 22523, ჰამბურგი) და მოპასუხე ლ.ც–ას (დაბადებული 10.08.1987. საქართველოს მოქალაქე) შორის შეწყდა საქართველში, თბილისში, 2018 წლის 25 ოქტომბერს რეგისტრირებული N:01183007344 ქორწინება. აღნიშნული გადაწყვეტილება კანონიერ ძალაში შევიდა 2020 წლის 17 აგვისტოს.

შუამდგომლობაზე თანდართული ნოტარიულად დამოწმებული მინდობილობით დასტურდება, რომ შუამდგომლობის ავტორი საქართველოს მოქალაქეა.

„საერთაშორისო კერძო სამართლის შესახებ“ საქართველოს კანონის 68-ე მუხლის პირველი პუნქტით, საქართველო ცნობს უცხო ქვეყნის კანონიერ ძალაში შესულ სასამართლო გადაწყვეტილებებს. ამავე მუხლის მე-5 პუნქტის თანახმად, უცხო ქვეყნის სასამართლო გადაწყვეტილების ცნობის საკითხს იხილავს საქართველოს უზენაესი სასამართლო.

„საერთაშორისო კერძო სამართლის შესახებ“ საქართველოს კანონის 68-ე მუხლის მე-2 პუნქტის საფუძველზე, გადაწყვეტილების ცნობა არ ხდება, თუ: ა) საქმე საქართველოს განსაკუთრებულ კომპეტენციას განეკუთვნება; ბ) გადაწყვეტილების გამომტანი ქვეყნის კანონმდებლობის შესაბამისად მხარე უწყების ჩაბარების გზით არ იქნა გაფრთხილებული სასამართლოში გამოძახების თაობაზე ან მოხდა სხვა საპროცესო დარღვევები; გ) ერთსა და იმავე მხარეებს შორის ერთსა და იმავე სამართლებრივ დავაზე არსებობს საქართველოს სასამართლოს კანონიერ ძალაში შესული გადაწყვეტილება ან მესამე ქვეყნის სასამართლოს კანონიერ ძალაში შესული გადაწყვეტილება, რომელიც ცნობილ იქნა საქართველოში; დ) უცხო ქვეყნის სასამართლო, რომელმაც გამოიტანა გადაწყვეტილება, საქართველოს კანონმდებლობის შესაბამისად კომპეტენტურად არ ითვლება; ე) უცხო ქვეყანა არ ცნობს საქართველოს სასამართლო გადაწყვეტილებებს; ვ) ერთსა და იმავე მხარეებს შორის ერთსა და იმავე საკითხზე და ერთი და იმავე საფუძვლით საქართველოში მიმდინარეობს სასამართლო პროცესი; ზ) გადაწყვეტილება ეწინააღმდეგება საქართველოს ძირითად სამართლებრივ პრინციპებს.

საკასაციო სასამართლო მიიჩნევს, რომ მოცემულ შემთხვევაში ზემოთ დასახელებულ ნორმაში მითითებული დამაბრკოლებელი გარემოებები არ არსებობს. შესაბამისად, გერმანიის ფედერაციული რესპუბლიკის ჰამბურგ-ალტონას ადგილობრივი სასამართლოს საოჯახო სასამართლოს 2020 წლის 17 აგვისტოს NA2.4354 F 109/20 გადაწყვეტილება ცნობილ უნდა იქნეს საქართველოს ტერიტორიაზე.

სარეზოლუციო ნაწილი:

საკასაციო სასამართლომ იხელმძღვანელა ,,საერთაშორისო კერძო სამართლის შესახებ“ საქართველოს კანონის 68-ე მუხლით, საქართველოს სამოქალაქო საპროცესო კოდექსის 284-ე, 285-ე მულებით და

დაადგინა:

1. ლ.ც–ას შუამდგომლობა დაკმაყოფილდეს.

2. საქართველოს ტერიტორიაზე ცნობილ იქნას გერმანიის ფედერაციული რესპუბლიკის ჰამბურგ-ალტონას ადგილობრივი სასამართლოს საოჯახო სასამართლოს 2020 წლის 17 აგვისტოს NA2.4354 F 109/20 გადაწყვეტილება, რომლითაც მოსარჩელე ო.ვ–სა (დაბადებული 30.06.1977, გერმანიის მოქალაქე, ვ. 63C, 22523, ჰამბურგი) და მოპასუხე ლ.ც–ას (დაბადებული 10.08.1987. საქართველოს მოქალაქე) შორის შეწყდა საქართველში, თბილისში, 2018 წლის 25 ოქტომებრს რეგისტრირებული N:01183007344 ქორწინება.

3. საკასაციო სასამართლოს განჩინება საბოლოოა და არ გასაჩივრდება.

თავმჯდომარე ვლადიმერ კაკაბაძე

მოსამართლეები: ლევან მიქაბერიძე

მირანდა ერემაძე