მიმდინარე წლის 30 ნოემბერს საქართველოს უზენაესი სასამართლოს თავმჯდომარე ნინო ქადაგიძე ამერიკის შეერთებული შტატების ელჩს საქართველოში რობინ დანიგანს შეხვდა. შეხვედრას ესწრებოდნენ აშშ-ის სახელმწიფო ანტინარკოტიკული და სამართალდამცავ ორგანოებთან თანამშრომლობის ბიუროს (INL-ის) დირექტორი სარა რუპერტი; აშშ-ის საელჩოს სამართლებრივი მრჩეველი  ლენა ოუენსი და აშშ-ის საერთაშორისო განვითარების სააგენტოს (USAID-ის) წარმომადგენლები: ლიზა კოვაჩი და რუსუდან ტაბატაძე.

გაცნობითი ხასიათის შეხვედრაზე მხარეებმა ისაუბრეს  სასამართლო სისტემის რეფორმის ფარგლებში მიღწეული პროგრესზე, საქართველოს მიმართ ევროკომისიის მიერ გაცემული რეკომენდაციების შესრულების მიზნით გადადგმულ ნაბიჯებსა და არსებულ გამოწვევებზე.

შეხვედრაზე მხარეებმა, ასევე, განიხილეს შემდგომი თანამშრომლობის საკითხები.   

ნინო ქადაგიძემ რობინ დანიგანს საქართველოში დიპლომატიური მისიის დაწყება მიულოცა და წარმატება უსურვა.

შეხვედრის დასასრულს სტუმრებმა დაათვალიერეს საქართველოს უზენაესი სასამართლოს ისტორიული შენობა და მართლმსაჯულების მუზეუმი.