რეცენზირება და ეთიკა
ჟურნალი „მართლმსაჯულება და კანონი“ იცავს აკადემიური კეთილსინდისიერების, სამეცნიერო ეთიკისა და ხარისხის საერთაშორისო პრინციპებს. ჟურნალში წარმოდგენილი ყველა სამეცნიერო სტატია გადის ცალმხრივად ფარულ რეცენზირებას - რეცენზენტისთვის ცნობილია ავტორის ვინაობა, ხოლო ავტორისთვის რეცენზენტის ვინაობა კონფიდენციალურია. რეცენზირებას ახორციელებენ შესაბამისი დარგის დამოუკიდებელი სპეციალისტები. რედაქცია სტატიის გამოქვეყნებაზე გადაწყვეტილებას იღებს რეცენზენტის(ების) დასკვნის საფუძველზე.
რედაქცია უზრუნველყოფს: ავტორებისა და რეცენზენტებისადმი თანასწორ, მიუკერძოებელ და არადისკრიმინაციულ დამოკიდებულებას; წარმოდგენილი მასალების კონფიდენციალურობას; სამეცნიერო ეთიკის დარღვევების, მათ შორის, პლაგიატის, მონაცემების ფალსიფიკაციისა და ფაბრიკაციის გამოვლენის შემთხვევაში - შესაბამის რეაგირებას.