მიმდინარე წლის 13 ივნისს საქართველოს უზენაესი სასამართლოს თავმჯდომარე ნინო ქადაგიძე  ჩინეთის სახალხო რესპუბლიკის ელჩს საქართველოში, ჭოუ ციენს შეხვდა. შეხვედრას ესწრებოდა ჩინეთის სახალხო რესპუბლიკის პოლიტიკური ატაშე ლი ფენგი.

გაცნობითი ხასიათის შეხვედრაზე მხარეებმა განიხილეს საქართველოსა და ჩინეთის სახალხო რესპუბლიკის მართლმსაჯულების სისტემები და სამომავლო თანამშრომლობის განვითარების საკითხები.

შეხვედრის დასასრულს ჩინეთის სახალხო რესპუბლიკის ელჩმა დაათვალიერა საქართველოს უზენაესი სასამართლოს ისტორიული შენობა და მართლმსაჯულების მუზეუმი.