,,რა ენა წახდეს, ერიც დაეცეს“, -  ხშირად იმეორებდა  დიდი  ილია  ჭავჭავაძე  პოეტ გრიგოლ ორბელიანის  სიტყვებს  და  აქვე გამოთქვამდა  წუხილს, თუ  როგორი ძალისხმევა გვმართებს  ჩვენი დედა-ენის, ჩვენი ეროვნული თვითმყოფადობის დასაცავად და შესანარჩუნებლად. 

 

საბედნიეროდ, ქართველმა ხალხმა უდიდესი ბრძოლით, სისხლითა და მსხვერპლით მოიპოვა უფლება, ჰქონოდა საკუთარი სახელმწიფო ენა და აღეზარდა თაობები ამ ენის დაცვის, ეროვნული   თვითმყოფადობისა   და დამოუკიდებლობის შესანარჩუნებლად. 14 აპრილი, დედაენის დღე, ეს არის ჩვენი ქვეყნის ისტორიაში ერთ-ერთი ძვირფასი თარიღი, რომელიც უპირობოდ აერთიანებს თითოეულ ქართველსა და საქართველოს ყველა მოქალაქეს მსოფლიოს ნებისმიერ კუთხეში.