საქართველოს უზენაესი სასამართლოს მართლმსაჯულების მუზეუმი უერთდება 18 მაისს მუზეუმების საერთაშორისო დღის ყოველწლიურ აღნიშვნას. 

საქართველოს უზენაესი  სასამართლოს   მართლმსაჯულების  მუზეუმი  უკვე 10 წელზე მეტია ტრადიციულად მასპინძლობს ასეულობით  მნახველს, რომელთა შორის მრავლად არიან სხვადასხვა ქვეყნის სახელმწიფო მოხელეები და უცხოეთიდან ჩამოსული ტურისტები. სასიხარულოა  ის ფაქტიც, რომ მართლმსაჯულების   მუზეუმის ყველაზე ხშირად სტუმრობენ ჩვენი ქვეყნის ახალგაზრდები, სკოლის მოსწავლეები და უმაღლესი სასწავლებლების სტუდენტები.

საქართველოს   უზენაესი   სასამართლოს   ისტორიულ   შენობასა   და მართლმსაჯულების მუზეუმში   ინფორმაციული   ტურის   ფარგლებში   სტუმრებს შესაძლებლობა აქვთ, დაათვალიერონ საქართველოში სამართლის განვითარებასთან დაკავშირებული სამართლის ძეგლების ექსპონატები და   მიიღონ   ინფორმაცია სასამართლო სისტემის საქმიანობის თაობაზე. 

მართლმსაჯულების მუზეუმი დღევანდელ დღეს განსაკუთრებით ელის ქართული მართლმსაჯულების ისტორიით   დაინტერესებულ   სტუმრებს, რომელთა სამახსოვრო ჩანაწერებიც   ტრადიციულად   აღიბეჭდება   მუზეუმის შთაბეჭდილებათა წიგნში.

მართლმსაჯულების მუზეუმში ვიზიტის დასაჯავშნათ, გთხოვთ, წინასწარ შეავსოთ ელექტრონულად განაცხადი.