საქართველოს უზენაესი სასამართლოს ანალიტიკური განყოფილების ადამიანის უფლებათა ცენტრის მიერ ქართულ ენაზე ითარგმნა სტრასბურგის სასამართლოს 2023 წლის 15 ივნისის გადაწყვეტილება საქმეზე: გაიდუკევიჩი საქართველოს წინააღმდეგ N38650/18

ადამიანის უფლებათა ევროპულმა სასამართლომ აღნიშნულ საქმეზე სიცოცხლის უფლებისა (ადამიანის უფლებათა ევროპული კონვენციის მე-2 მუხლი) და დისკრიმინაციის აკრძალვის (მე-14 მუხლი) უფლების დარღვევა დაადგინა. 

საჩივარი ეხება შიდასახელმწიფოებრივი ორგანოების სავარაუდო წარუმატებლობას მომჩივნის ქალიშვილის - ა.ლ-ს დაცვაში ოჯახში ძალადობისგან, რასაც საბოლოოდ მოჰყვა მისი გარდაცვალება. აღნიშნულ საქმეში ევროპული სასამართლო კიდევ ერთხელ ადგენს სამართალდამცავების მიერ ოჯახში ძალადობის საქმეებზე სათანადო რეაგირების აუცილებლობას.