1837 წლის 8 ნოემბერს დაიბადა დიდი ქართველ პოლიტიკური და საზოგადო მოღვაწე, მწერალი და პუბლიცისტი- ილია ჭავჭავაძე.
1864 წლის ნოემბერში ილია ჭავჭავაძე დაინიშნა დუშეთში ჯერ მომრიგებელ შუამავლად, ხოლო 1868 წლის თებერვლიდან დუშეთის მაზრის მომრიგებელ მოსამართლედ.
,,განაჩენები რომლებიც ილიას მომრიგებელ მოსამართლედ მუშაობის დროს გამოუტანია, სავსებით ადასტურებს თუ რა ობიექტურობითა და სიმართლით წყვეტდა იგი საკითხებს, როგორ იცავდა წერა-კითხვის უცოდინარ გლეხს ყოფილი მებატონეების, მემამულეების ძალმომრეობისაგან, როგორ ებრძოდა უსამართლობას, რათა პრაქტიკულად განეხორციელებინა დიდი იდეალი ,,მაშვრალის განკაცებისა“  (აკადემიკოსი გიორგი ჯიბლაძის მოგონებიდან).