საიტი მუშაობს სატესტო რეჟიმში საიტის ძველი ვერსია

ბუნდესთაგის იურიდიულ საკითხთა კომიტეტის დელეგაციის ვიზიტი საქართველოს უზენაეს სასამართლოში

გამოქვეყნების თარიღი: 2024-02-28

მიმდინარე წლის 28 თებერვალს საქართველოს უზენაეს სასამართლოში გაიმართა გაცნობითი ხასიათის შეხვედრა ბუნდესთაგის იურიდიულ საკითხთა კომიტეტის დელეგაციასთან. შეხვედრაში მონაწილეობას იღებდნენ: საქართველოს უზენაესი სასამართლოს მოსამართლეები, საქართველოს იუსტიციის უმაღლესი საბჭოს მდივანი და საბჭოს წევრები, აგრეთვე, საქართველოში გერმანიის საელჩოსა და საერთაშორისო სამართლებრივი თანამშრომლობის გერმანული ფონდის (IRZ) წარმომადგენლები.

შეხვედრის მონაწილეებს მისასალმებელი სიტყვით მიმართა საქართველოს უზენაესი სასამართლოსა და საქართველოს იუსტიციის უმაღლესი საბჭოს თავმჯდომარემ, ნინო ქადაგიძემ, გერმანიის ელჩმა საქართველოში, ერნსტ პეტერ ფიშერმა, ბუნდესთაგის  იურიდიულ საკითხთა კომიტეტის თავმჯდომარემ, ელიზაბეთ ვინკელმაიერ-ბეკერმა და საერთაშორისო სამართლებრივი თანამშრომლობის ფონდის (IRZ) სამხრეთ-აღმოსავლეთ ევროპის ქვეყნების პროექტების ხელმძღვანელმა,  ფრანკ ჰუპფელდმა.

შეხვედრის ფარგლებში ხაზგასმით აღინიშნა ქართულ-გერმანული სამართლებრივი სისტემების მეტად დაახლოებისა და სამართლებრივი თანამშრომლობის გაღრმავების მნიშვნელობა.

დელეგაციის წარმომადგენლები გაეცნენ საქართველოს მოქმედ საკანონმდებლო ჩარჩოს საქართველოს იუსტიციის უმაღლესი საბჭოს სტრუქტურასა და მის ძირითად საქმიანობასთან დაკავშირებით.

შეხვედრის დასასრულს, სტუმრება დაათვალიერეს საქართველოს უზენაესი სასამართლოს ისტორიული შენობა და მართლმსაჯულების მუზეუმი.


ბოლო სიახლეები

მილოცვა

2024-04-14

იხილეთ სრულად
სვანეთის სამედიატორო სასამართლო

სვანური სამედიატორო სასამართლო ქართული სამართლებრივი კულტურის  მნიშვნელოვანი გამოვლინებაა. სამედიატორო სასამართლო ს

2024-04-10

იხილეთ სრულად
საქართველოს უზენაესი სასამართლოს პლენუმის სხდომა

საქართველოს უზენაეს სასამართლოში 2024 წლის 11 აპრილს, 17:00 საათზე გაიმართება პლენუმის სხდომა. იხ. დღის წესრიგი.

2024-04-08

იხილეთ სრულად