გამოქვეყნების თარიღი: 2023-01-24
მიმდინარე წლის 24 იანვარს საქართველოს უზენაესი სასამართლოს თავმჯდომარემ, ნინო ქადაგიძემ და უზენაესი სასამართლოს მოსამართლემ, მერაბ გაბინაშვილმა ნიუ იორკის შტატის სირაქიუზის უნივერსიტეტის უსაფრთხოების პოლიტიკისა და სამართლის ინსტიტუტის დირექტორს, აშშ-ს შეიარაღებული ძალების სააპელაციო სასამართლოს ყოფილ მოსამართლეს, პროფესორ ჯეიმს ბეიკერსა და საერთაშორისო პროგრამების დეპარტამენტის წარმომადგენელს, ენდრიუ ჰორსფალს უმასპინძლეს. შეხვედრას ასევე ესწრებოდნენ საქართველოს ადვოკატთა ასოციაციის თავმჯდომარე დავით ასათიანი, ასოციაციის აღმასრულებელი დირექტორი გიორგი ჭეხანი და ასოციაციის ანალიტიკური და საკომიტეტო საქმიანობის დეპარტამენტის უფროსი თამთა დევდარიანი.
გაცნობითი ხასიათის შეხვედრაზე მხარეებმა განიხილეს საქართველოსა და ამერიკის მართლმსაჯულების სისტემები, აგრეთვე, ნიუ იორკის შტატის სირაქიუზის უნივერსიტეტსა და საერთო სასამართლოების სისტემას შორის სამომავლო თანამშრომლობის საკითხები.
შეხვედრის დასასრულს სტუმრებმა დაათვალიერეს უზენაესი სასამართლოს ისტორიული შენობა და მართლმსაჯულების მუზეუმი.
საქართველოს უზენაეს სასამართლოში 2026 წლის 17 ნოემბერს, 12:00 საათზე გაიმართება პლენუმის სხდომა. იხ. დღის წესრიგი.
2026-11-16
იხილეთ სრულად1837 წლის 8 ნოემბერს დაიბადა დიდი ქართველი პოლიტიკური და საზოგადო მოღვაწე, მწერალი და პუბლიცისტი — ილია ჭავჭავაძე.
2026-11-08
იხილეთ სრულად